લોકશાહીમાં સમાનતા — સામાજિક વિજ્ઞાન ધોરણ 7 — Question

સમાનતા એટલે 'સૌ સમાન, સૌને સન્માન' એ આશય સાથે સરકાર બંધારણ મુજબ કાર્યરત છે. સૌને સમાન અધિકાર એટલે કાયદા સમક્ષ સમાનતા અને કાયદાનું સમાન રક્ષણ.

સમાનતા શા માટે જરૂરી છે?

• વિશ્વમાં સૌથી મોટી લોકશાહી ધરાવતા આપણા દેશના સંચાલન માટે બંધારણની રચના કરવામાં આવી છે.
• આપણા દેશમાં આર્થિક, સામાજિક અને ધાર્મિક ભિન્નતા હોવા છતાં સૌને સમાન તક મળી રહે તે માટે બંધારણમાં જોગવાઈ કરવામાં આવી છે.
• ભારતના બંધારણમાં સૌને સમાન તક આપવાનું ઠરાવવામાં આવ્યું છે.
• આ કાયદા આધારે ધર્મ, વ્યક્તિગત વિકાસ, ભાષા કે બોલી, લિંગ, શિક્ષણ અને વિચારની અભિવ્યક્તિમાં સમાનતા મળે છે.
• સૌને ભણવા, વિકસવા, ધંધા-રોજગાર કે વિવિધ ધર્મમાં માનનાર સૌના સર્વાંગીણ વિકાસ દ્વારા દેશના વિકાસ માટે સમાનતાનો અધિકાર ખૂબ મહત્ત્વનો છે.
• આપણા સ્વમાનને જાળવી રાખવા માટે અને ન્યાય તથા મતાધિકારમાં સમાનતા માટે સમાનતાનો અધિકાર જરૂરી છે.