પત્રલેખન — ગુજરાતી STD 11 Commerce — Question

કંદર્પ ત્રિવેદી
7, સાધના સોસાયટી,
ગોધરા.
તા. 13-9-2018

પ્રિય બહેન પ્રાચી,
કુશળ હશો. અમે અહીં કુશળ છીએ.

ગીતસ્પર્ધામાં તને પ્રથમ ઈનામ મળ્યું છે તે જાણ્યું અને વૉટ્સ ઍપમાં તારો ફોટો પણ જોયો. અમને સૌને ખૂબ જ આનંદ થયો. અમે તને ખૂબ ખૂબ અભિનંદન આપીએ છીએ.

નાની હતી ત્યારથી જ તને ગાવાનો શોખ છે. હાથમાં ઢીંગલી લઈ તું કેવાં સુંદર બાળગીતો મધુર કંઠે ગાતી હતી ! દાદીમા તો તને કોયલ’ કહે છે તે તદન સાચું છે. તારી સંગીતમાં રસરુચિ જોઈને મમ્મી-પપ્પાએ તને સંગીતના વર્ગમાં મૂકી. ત્યાં તારો સ્વર કેળવાતો ગયો અને હવે તું ગીતસ્પર્ધામાં ભાગ લેતી થઈ તેમજ ઇનામ પણ મેળવતી થઈ.

તું સંગીતના ક્ષેત્રમાં ખૂબ પ્રગતિ કરીશ તેવી મને આશા છે અને તે માટે શુભેચ્છા પણ પાઠવું છું. તારાં ગીતો મને મોકલજે.

તારો ભાઈ
કંદર્પ