વિચરતી જાતિ અને સ્થાનિક સમુદાય — સામાજિક વિજ્ઞાન ધોરણ 7 — Question

અહોમ લોકો ૧૩મી સદીમાં મ્યાનમારથી આવીને બ્રહ્મપુત્ર નદીના ખીણ વિસ્તારમાં વસ્યા હતા. તેમણે જૂની રાજકીય વ્યવસ્થાને બદલે નવા રાજ્યનું નિર્માણ કર્યું. ૧૬મી સદીમાં તેમણે ચૂંટિયા અને કોચ-હાજો રાજ્યને પોતાના રાજ્યમાં ભેળવી દીધા હતા. અહોમ લોકોએ અગ્નિ-અસ્ત્રોનો ઉપયોગ કર્યો હતો અને ૧૭મી સદી સુધીમાં તેઓ દારૂગોળો અને તોપોનું નિર્માણ પણ કરી શકતા હતા. અહોમ સમાજ 'કુળ'માં વહેંચાયેલો હતો. એક કુળ ઘણાં ગામો પર નિયંત્રણ રાખતું હતું. ખેડૂતોને ગામના સમાજ દ્વારા જમીન આપવામાં આવતી હતી. અહોમ સમાજમાં કલા, સાહિત્ય અને સંસ્કૃતિનો વિકાસ થયો હતો. તેઓએ ઇતિહાસ લખવાની પરંપરા પણ વિકસાવી હતી, જેને 'બુરંજી' તરીકે ઓળખવામાં આવે છે.