भाषाभ्यास [व्याकरण] — मराठी - अक्षरभारती STD 10 — Question

दिनांक : ३० एप्रिल, २००८
प्रति,
मा. संचालक,
श्री. विनय गायकवाड,
२, सोमवार पेठ, कराड.

विषय : सुलेखन वर्गात प्रवेश मिळण्याबाबत

माननीय महोदय,
      सप्रेम नमस्कार,
      मी अ.ब.क. शिवछत्रपती विद्यालय कराड या शाळेत इयत्ता ९ वी मध्ये शिकणारी विद्यार्थिनी आहे. पुढील शैक्षणिक वर्षात मी इयत्ता १० वी मध्ये जाणार आहे. माझे मराठी विषयाचे अक्षर म्हणावे तसे वळणदार नाही. मला येत्या शैक्षणिक वर्षात चांगले गुण हवे आहेत. तेव्हा आपण आपल्या मराठी भाषेच्या लेखनासाठी काय उपाय करू शकतो. या विचारात असतानाच आज अचानक आमच्या शाळेत आपल्या अ‍ॅकॅडमी तर्फे येत्या उन्हाळ्याच्या मे महिन्यात १ मे ते ३१ मे या कालावधीत सुलेखन वर्गाचे आयोजन केल्याची जाहिरात पाहिली.
       ही माझ्यासाठी एक सुवर्णसंधीच म्हणावी लागेल. आता निश्चितच माझे हस्ताक्षर चांगलेच सुधारेल अशी आशा वाटते. तेव्हा मी आपणांस विनंती करते की, आपण मला या वर्गात प्रवेश देऊन माझे
अक्षर सुधारण्याची संधी द्यावी.
कळावे, तसदीबद्दल क्षमस्व.
आपली कृपाभिलाषी,
अ.ब.क.
शिवछत्रपती विद्यालय,
कराड.