એક બાગમાં ૩૮૫ લીમડાનાં ઝાડ અને ૨૮૦ આસોપાલવના ઝાડ છે, તો આ બાગમાં કુલ કેટલાં ઝાડ છે? 

એક કારખાનામાં પ્રથમ દિવસે ૨૭૦ બલ્બ બન્યા. બીજા દિવસે ત્યાં ૧૨૩ બલ્બ બન્યા. તો કારખાનામાં કુલ કેટલા બલ્બ બન્યા ?

એક ટોપલામાં ૫૪૪ કેરીઓ હતી. તેમાં બીજી ૨૮૮ કેરીઓ નાખી. હવે, ટોપલામાં કેટલી કેરીઓ થઈ? 

ટ્રેનના એક ડબામાં ૧૩૨ લોકો બેઠા છે. બીજા ડબામાં ૧૨૯ લોકો બેઠા છે, તો એકંદરે બંને ડબામાં થઈને કુલ કેટલા લોકો બેઠા છે ?

એક દુકાનદાર પાસે ૧૬૩ મીણબત્તીઓ હતી. સેલ્સમેને બીજી ૨૩૯ મીણબત્તીઓ આપી. હવે, દુકાનદાર પાસે કુલ કેટલી મીણબત્તીઓ થઈ? શું સરવાળો ૪૦૦ થી વધારે છે કે ઓછો? 

ગણિતના એક પાઠયપુસ્તકમાં ૧૨૮ પાનાં છે. ગુજરાતીના પુસ્તકમાં ૧૩૬ પાનાં છે. બંને પુસ્તકના મળીને કુલ કેટલાં પાનાં થાય ?

સોનુએ ૧૩૮ કાંકરા મેળવ્યા. કરીમે ૪૪ કાંકરા મેળવ્યા, તો હવે તેમણે કુલ કેટલા કાંકરા મેળવ્યા ?

એક ગામમાં ૪૦૨ પુરૂષો અને ૪૦૨ પુરૂષો ૩૧૬ સ્ત્રીઓ છે. આ ગામનાં પુરૂષો અને સ્ત્રીઓ મળીને કુલ કેટલી વ્યક્તિઓ થાય ?

મહાદેવ દૂધ મંડળીમાં સોમવારે ૪૭૬ લિટર દૂધ, મંગળવારે ૩૩૫ લિટર દૂધ અને બુધવારે ૧૦૪ લિટર દૂધ એકઠું થયું હતું. ત્રણ દિવસમાં કુલ કેટલા લિટર દૂધ એકઠું થયું ?

ડિ-માર્ટમાંથી ૪૩૦ રૂપિયાના મગ લીધા અને ૧૨૦ રૂપિયાના ચોખા લીધા. તો ડિ-માર્ટમાં કુલ કેટલા રૂપિયા આપ્યા?