બજાર — સામાજિક વિજ્ઞાન ધોરણ 7 — Question

વર્તમાન સમયમાં ઑનલાઇન શૉપિંગનું પ્રમાણ વધી રહ્યું છે. બજારમાં ગયા વિના જ ગ્રાહક તેનાં કમ્પ્યુટર, મોબાઇલ ફોન કે ટેલિવિઝન દ્વારા ડિજિટલ પેમેન્ટ કરીને સીધી જ ખરીદી શકે છે. અનેક કંપનીઓ ઑનલાઇન શૉપિંગ માટે ગ્રાહકોને સીધું જ વેચાણ કરતી હોવાથી વધુ વળતર આપીને બજારભાવ કરતાં સસ્તા દરે વસ્તુઓ વેચી શકે છે. ખરીદેલી ચીજવસ્તુ સીધી જ ગ્રાહકના ઘર સુધી પહોંચે છે. તેથી ઑનલાઇન શૉપિંગનો ઉપયોગ વધુને વધુ થઈ રહ્યો છે. દરેક ગ્રાહકે ઑનલાઇન શૉપિંગમાં સાવધાની રાખવી ખૂબ જરૂરી છે, નહીંતર છેતરપિંડીનો ભોગ બનવાનો પૂરેપૂરો સંભવ છે.