પત્રલેખન (5-M)

Question 15 Marks

તમારી શાળાના ધોરણ 10 અને 12ના વિદ્યાર્થીઓનો વિદાય-સમારંભ યોજાયો. તમારા મિત્રને તેની જાણ કરતો પત્ર લખો.

Answer

પ્રણવ પટેલ
1, સ્વાતિ સોસાયટી,
વડોદરા.
તા. 3 – 2 – 2018

પ્રિય મિત્ર પ્રમોદ,
તારી કુશળતાનો પત્ર મળ્યો. આનંદ થયો.

આ વર્ષે અમારી શાળામાં ધોરણ 10 અને 12ના વિદ્યાર્થીઓનો સંયુક્ત વિદાય-સમારંભ યોજાયો. શાળાના પ્રાર્થનાખંડને કાગળનાં તોરણોથી શણગારવામાં આવ્યો હતો. મુખ્ય મહેમાન તરીકે જાણીતા કેળવણીકાર પ્રિયકાન્ત પટેલને આમંત્રણ આપવામાં આવ્યું હતું. પ્રાર્થનાગીતથી વિદાય-સમારંભનો મંગલ પ્રારંભ થયો. મહેમાનનું પુષ્પગુચ્છથી સ્વાગત કરવામાં આવ્યું.

ધોરણ 10 અને 12ના કેટલાક વિદ્યાર્થીઓએ શાળાજીવનના પોતાના અનુભવો વર્ણવ્યા, જેમાં હું પણ હતો. અમારા ગુજરાતીના શિક્ષક અને આચાર્યએ અમને સો શિક્ષકગણવતીથી શુભેચ્છાઓ પાઠવી અને કેટલીક જીવન-ઉપયોગી શિખામણ આપી. મુખ્ય મહેમાને પણ અમને નીતિપરાયણ જીવવાનો બોધ આપ્યો અને અમને ખૂબ પ્રગતિ કરવાની શુભેચ્છા પાઠવી.

અંતમાં આઇસક્રીમનો મીઠો સ્વાદ માણી અમે સૌએ ભારે હૈયે શાળાની વિદાય લીધી.

તારાં મમ્મી-પપ્પાને મારા પ્રણામ.

તારો મિત્ર
પ્રણવ

View full question & answer→

Question 25 Marks

તમે માંદગીને લીધે એક અઠવાડિયા સુધી શાળાએ જઈ શકો તેમ નથી. તમારા વર્ગશિક્ષકને રજા મંજૂર કરવા માટે રજાચિઠ્ઠી લખો.

Answer

છાયા કાકડિયા
9, વર્ધમાન કૃપા,
આણંદ.
તા. 12 – 8 – 2018

પ્રતિ,
માનનીય પ્રવીણભાઈ ભટ્ટ,
વર્ગશિક્ષકશ્રી, ધોરણ 11
સી. કે. વિદ્યાલય, આણંદ.

વિષય: માંદગીની રજા મંજૂર કરવા બાબત.

પૂજ્ય સાહેબશ્રી,

સાદર પ્રણામ.
સવિનય જણાવવાનું કે મને બે દિવસથી સખત તાવ આવે છે. અમારા ફેમિલી ડૉક્ટરે લોહીની તપાસ કરાવ્યા પછી મને મલેરિયા હોવાનું નિદાન કર્યું છે. મને એક અઠવાડિયું દવા લેવાની અને સંપૂર્ણ આરામ કરવાની સૂચના આપી છે.

હું તા. 13-8-2018 થી તા. 19 -8-2018 સુધી શાળાએ = આવીશ નહિ. આપને મારી અઠવાડિયાની રજા મંજૂર કરવા વિનંતી છે.

હું ખાતરી આપું છું કે અઠવાડિયા પછી મને સારું થઈ જતાં : હું મારું ઘરકામ પૂરું કરી લઈશ.

આપની આજ્ઞાંકિત વિદ્યાર્થિની
છાયા
ધો. 11, રોલ નં. 26

View full question & answer→

Question 35 Marks

તમારી નાની બહેન ગીત સ્પર્ધામાં પ્રથમ આવી છે, તેને અભિનંદન આપતો પત્ર લખો.

Answer

કંદર્પ ત્રિવેદી
$7,$ સાધના સોસાયટી,
ગોધરા.
તા. $13-9-2018$
પ્રિય બહેન પ્રાચી,
કુશળ હશો. અમે અહીં કુશળ છીએ.
ગીતસ્પર્ધામાં તને પ્રથમ ઈનામ મળ્યું છે તે જાણ્યું અને વૉટ્સ ઍપમાં તારો ફોટો પણ જોયો. અમને સૌને ખૂબ જ આનંદ થયો. અમે તને ખૂબ ખૂબ અભિનંદન આપીએ છીએ.
નાની હતી ત્યારથી જ તને ગાવાનો શોખ છે. હાથમાં ઢીંગલી લઈ તું કેવાં સુંદર બાળગીતો મધુર કંઠે ગાતી હતી ! દાદીમા તો તને કોયલ’ કહે છે તે તદન સાચું છે. તારી સંગીતમાં રસરુચિ જોઈને મમ્મી-પપ્પાએ તને સંગીતના વર્ગમાં મૂકી. ત્યાં તારો સ્વર કેળવાતો ગયો અને હવે તું ગીતસ્પર્ધામાં ભાગ લેતી થઈ તેમજ ઇનામ પણ મેળવતી થઈ.
તું સંગીતના ક્ષેત્રમાં ખૂબ પ્રગતિ કરીશ તેવી મને આશા છે અને તે માટે શુભેચ્છા પણ પાઠવું છું. તારાં ગીતો મને મોકલજે.
તારો ભાઈ
કંદર્પ

View full question & answer→

Question 45 Marks

તમારો મિત્ર દસમા ધોરણમાં બોર્ડની પરીક્ષામાં નાપાસ થયેલ છે, તેને આશ્વાસન આપતો પત્ર લખો.

Answer

આદિત્ય પટેલ
$6,$ કેકારવ સોસાયટી,
વસ્ત્રાપુર,
અમદાવાદ $– 380\ 054$
તા. $25 – 6-2018$
પ્રિય મિત્ર દીપ,
સૌ કુશળ હશો.
ધોરણ 10નું તારું પરિણામ જાણી અમને ઘણું દુઃખ થયું. તું નાપાસ થયો છે તે હકીકત છે, પણ સંજોગો જ એવા આવ્યા કે તું મહેનત કરી શક્યો નહિ. પહેલાં દાદાની માંદગી અને તેમનું અવસાન. પછી મમ્મીની માંદગી જે બે મહિના ચાલી. ત્યારપછી તું ટાઈફૉઈડમાં પટકાયો. બે મહિનાની માંદગી અને અશક્તિના કારણે તે શાળાએ ન જઈ શક્યો તેમજ ઘરે પણ અભ્યાસ ન કરી શક્યો. બધું આપણું ધાર્યું! Man proposes, God disposes.
તારે હતાશ થવાની જરૂર નથી. હવે તું સંપૂર્ણ સ્વસ્થ છે. ઉત્સાહ રાખી મહેનત કરજે. તને સફળતા જરૂર મળશે. હું આવતા અઠવાડિયે તને મળવા આવવાનો છું. તારાં મમ્મી-પપ્પાને મારા પ્રણામ.
તારો મિત્ર
આદિત્ય

View full question & answer→

Question 55 Marks

તમારા મિત્રને પાણીનું મહત્ત્વ સમજાવતો પત્ર લખો.

Answer

પ્રદીપ જોષી
$9,$ શુભલક્ષ્મી ટાઉનશિપ,
વડોદરા $–\ 390\ 005.$
તા. $25 – 5 – 2018$
પ્રિય મિત્ર પંકજ,
તારો પત્ર મળ્યો, આનંદ થયો. તેં આમંત્રણની સાથે પાણી લેતો આવજે મજાકમાં લખ્યું છે તે ખરેખર આજની સમસ્યાને વાચા આપે છે.
હવા, પાણી અને ખોરાક મનુષ્યની પ્રાથમિક જરૂરિયાતો છે, તેમાં પાણીની સમસ્યા અતિ ગંભીર છે. પાણીનું કેટલું બધું મહત્ત્વ છે! પાણી વિના જીવી ન શકાય, ખેતરોમાં પાક ન લઈ શકાય તેમજ કેટલાક ઉદ્યોગોમાં માલ તૈયાર ન કરી શકાય. પાણી વિના વનસ્પતિ સૃષ્ટિ $–$ વૃક્ષો, વેલાઓ, છોડ $-$ સુકાઈ જાય. સૃષ્ટિનું સૌંદર્ય હણાઈ જાય. સર્વત્ર રણ જેવું લાગે.
પાણીનું એક એક ટીપું અતિ કીમતી છે. તેથી પાણીનો બગાડ ન થાય એ જોવાની આપણા સૌની ફરજ છે. આપણે તેનો કરકસરપૂર્વક ઉપયોગ કરવો જોઈએ. હું આવતા અઠવાડિયે જરૂર આવીશ, વૉટર બૅગ સાથે!
તારો મિત્ર
પ્રદીપ

View full question & answer→

Question 64 Marks

તમારો મિત્ર કબડ્ડીની રમતમાં રાજ્યકક્ષાએ પહોંચ્યો છે તેને અભિનંદન આપતો પત્ર લખો.

Answer

પ્રિય મિત્ર,
સ્નેહભર્યો નમસ્કાર.

તમારા રાજ્યકક્ષાની કબડ્ડી સ્પર્ધામાં પસંદગી થયાની ખુશખબર સાંભળી મને ખૂબ આનંદ થયો. તમારી મહેનત, નિયમિત અભ્યાસ અને રમતમાં દેખાડેલી કુશળતાનું ફળ આજે તમને મળ્યું છે. આ સિદ્ધિથી તમારા પરિવાર, શાળા અને મિત્રો સૌ ગૌરવ અનુભવી રહ્યા છે.
મને વિશ્વાસ છે કે તમે રાજ્યકક્ષાની સ્પર્ધામાં પણ શ્રેષ્ઠ પ્રદર્શન કરી સૌનું નામ રોશન કરશો. તમારી રમતમાં લગન અને આત્મવિશ્વાસ સદાય જળવાઈ રહે તેવી શુભકામનાઓ.
તમારા ઉત્તમ ભવિષ્ય માટે હૃદયપૂર્વક અભિનંદન અને શુભેચ્છાઓ.

તમારો મિત્ર,
જય

View full question & answer→

ગુજરાતી પત્રલેખન (5-M)

Test yourself on this topic