વીજળીના એક તારની લંબાઈ ૨૬૮ મીટર ૫૫ સેમી છે. જ્યારે બીજા તારની લંબાઈ ૧૭૭ મીટર ૬૫ સેમી છે. બંને તારની કુલ લંબાઈ કેટલી થાય ?

મહેશ સ્કૂલે ખૂબ દૂરથી આવે છે. પહેલાં તે અંદાજે તળાવ તરફ ૪૦૦ મીટર ચાલે છે. પછી પોતાના સ્લીપર હાથમાં લઈને ૧૫૦ મીટર તળાવમાં ચાલે છે. ત્યારપછી તે ૩૫૦ મીટર પહોળા લીલા ખેતરને ઓળંગે. ત્યારબાદ ૪૦ મીટર પહોળો રસ્તો ચોકસાઈથી પસાર કરી શાળાએ પહોંચે છે.દરરોજ શાળાએ પહોંચવા મહેશ કેટલું ચાલે છે ?

એક બસ એક ક્લાકમાં ૫૫ કિમી અંતર કાપે છે. ૩ ક્લાકના અંતે બસ કેટલું અંતર કાપશે ?

રામ ૧ મીટર ૮૫ સેમી ઊંચો છે. રાધા તેના કરતા ૩૫ સેમી નાની છે. તો, બંનેની કુલ ઊંચાઈ કેટલી થાય?

૭૭ મીટર ૧૬ સેમીમાંથી ૪૩ મીટર ૩૮ સેમીની બાદબાકી કરો.

મનિષ ૧૫૦ સેમી ઊંચો છે. તેની બહેન ૧૧૦ સેમી ઊંચી છે. બંનેમાં વધાર ઊંચું કોણ? કેટલું?

એક પાઈપલાઈન ૮ મીટર ૪૫ સેમી લાંબી છે અને બીજી પાઈપલાઈન ૭ મીટર ૨૫ સેમી લાંબી છે. બંને મળીને કુલ કેટલી લાંબી પાઈપલાઈન થાય ?

એક સ્થળેથી સુનીલ ૨૫ કિમી દૂર અમદાવાદ જાય છે અને નરેન તે સ્થળેથી ૪૫ કિમી દૂર મહેસાણા જાય છે. બંને વિરુદ્ધ દિશામાં જાય છે, તો અમદાવાદથી મહેસાણાનું અંતર કેટલું થાય?

એક રમત-ગમતના મેદાનની ફરતે એક ચક્કર લગાવતા ૭૦૦ મીટર થાય છે. પારૂલને ૨ કિમી ચાલવા માટે ઓછામાં ઓછા કેટલા ચક્કર લગાવવા પડે ?

સાહિલ પોતાના ઘરેથી ચાલતો આવે છે. તે ૫૫૦ મીટર ખેતરમાં ચાલે છે. ૪૫૫ મીટર કાચા રસ્તા પર ચાલે છે, ૨૬૫ મીટર પાકા ડામર રોડ ઉપર ચાલે છે. તો તેણે કેટલા કિલોમીટર અને મીટર અંતર કાપ્યું કહેવાય?