મનિષ ૧૫૦ સેમી ઊંચો છે. તેની બહેન ૧૧૦ સેમી ઊંચી છે. બંનેમાં વધાર ઊંચું કોણ? કેટલું?

મહેશ સ્કૂલે ખૂબ દૂરથી આવે છે. પહેલાં તે અંદાજે તળાવ તરફ ૪૦૦ મીટર ચાલે છે. પછી પોતાના સ્લીપર હાથમાં લઈને ૧૫૦ મીટર તળાવમાં ચાલે છે. ત્યારપછી તે ૩૫૦ મીટર પહોળા લીલા ખેતરને ઓળંગે. ત્યારબાદ ૪૦ મીટર પહોળો રસ્તો ચોકસાઈથી પસાર કરી શાળાએ પહોંચે છે.દરરોજ શાળાએ પહોંચવા મહેશ કેટલું ચાલે છે ?

એક પેન્ટ સીવવા માટે ૧ મીટર ૨૦ સેમી કાપડ જોઈએ તો આવા ૪ પેન્ટ સીવવા માટે કેટલું કાપડ જોઈએ ?

એક જગ્યાએથી અશોક ૩૦ કિમી દૂર ગોંડલ જાય છે. રવિ તે જગ્યાએથી ૭૨ કિમી પોરબંદર જાય છે. બંને વિરુધ્ધ દિશાએ જાય તો, ગોંડલ અને પોરબંદર વચ્ચે કેટલું અંતર થાય?

કાશીબેન ૪ મીટર ૭૦ સેમી કાપડ ગાદલાનું કવર બનાવવા અને ૨ મીટર ૩૦ સેમી કાપડ ઓશિંકાનાં કવર બનાવવા ખરીદે છે. તો તેમણે કુલ કેટલું કાપડ ખરીધું કહેવાય ?

એક પાઈપલાઈન ૮ મીટર ૪૫ સેમી લાંબી છે અને બીજી પાઈપલાઈન ૭ મીટર ૨૫ સેમી લાંબી છે. બંને મળીને કુલ કેટલી લાંબી પાઈપલાઈન થાય ?

વીજળીના એક તારની લંબાઈ ૨૬૮ મીટર ૫૫ સેમી છે. જ્યારે બીજા તારની લંબાઈ ૧૭૭ મીટર ૬૫ સેમી છે. બંને તારની કુલ લંબાઈ કેટલી થાય ?

એક સર્કલની ફરતે એક આંટો પૂરો કરતા ૪૦૦ મીટર થાય છે. નયનાબેન દરરોજ આ સર્કલના ૫ ચક્કર લગાવે છે, તો તે કેટલા કિલોમીટર ચાલ્યાં કહેવાય ?

 સુરેશ ૧ મીટર ૨૪ સેમી ઊંચો છે. મિનલ તેનાં કરતાં ૧૫ સેમી નાની છે તો બંનેની કુલ ઊંચાઈ કેટલી થાય?

છોકરાઓની બરછી ફેંકમાં નીરજ બરછી ૮ મીટર ૪૮ સેમી ફેંકી. રમેશે તેનાં કરતાં ૧૫ સેમી ઓછી અને ધર્મેશે ૩ મીટર ૪૧ સેમી ફેંકી તો, રમેશ અને ધર્મેશની બરછી ફેંક વચ્ચેનો તફાવત કેટલો?