સુબોધ ગાંધીનગર જાય છે.જે ૨૧ કિમી દૂર છે. મંજરી હિંમતનગર જાય છે. જે ૪૩ કિમી દૂર તેની વિરુદ્ધ દિશામાં છે. ગાંધીનગરથી હિંમતનગર કેટલું દૂર થાય ?

મહેશ સ્કૂલે ખૂબ દૂરથી આવે છે. પહેલાં તે અંદાજે તળાવ તરફ ૪૦૦ મીટર ચાલે છે. પછી પોતાના સ્લીપર હાથમાં લઈને ૧૫૦ મીટર તળાવમાં ચાલે છે. ત્યારપછી તે ૩૫૦ મીટર પહોળા લીલા ખેતરને ઓળંગે. ત્યારબાદ ૪૦ મીટર પહોળો રસ્તો ચોકસાઈથી પસાર કરી શાળાએ પહોંચે છે.દરરોજ શાળાએ પહોંચવા મહેશ કેટલું ચાલે છે ?

છોકરાઓની ગોળાફેંકમાં હેનીલે ૫ મીટર ૩૫ સેમી ગોળો ફેંકયો. રાજે તેના કરતા ૧૫ સેમી ઓછો ફેંકયો. અને ધર્મએ ૫ મીટર ૧૦ સેમી ફેંકયો તો, રાજ અને ધર્મની ગોળાફેંક વચ્ચેનો તફાવત કેટલો છે?

રેશ્માએ ૧૦ કિમી અંતરમાંથી ૬ કિમી ૫૦૦ મીટર અંતર સાઈકલ ચલાવીને કાપ્યું તો હવે કેટલા કિમી અંતર બાકી રહે ?

છોકરીઓની લાંબી કૂદમાં ગોપી સૌથી ઓછું ૩ મીટર ૩૨ સેમી કૂદી મીનુ બીજા ક્રમે આવી. તે ગોપી કરતાં ૧૨ સેમી વધારે કૂદી. નીલુ સૌથી લાંબું કૂદી. તે મીનુ કરતાં ૧૩ સેમી વધારે કૂદી, તો નીલુ અને ગોપીની લાંબી કૂદ વચ્ચેનો તફાવત કેટલો છે ?

વીજળીના એક તારની લંબાઈ ૨૬૮ મીટર ૫૫ સેમી છે. જ્યારે બીજા તારની લંબાઈ ૧૭૭ મીટર ૬૫ સેમી છે. બંને તારની કુલ લંબાઈ કેટલી થાય ?

સાહિલ પોતાના ઘરેથી ચાલતો આવે છે. તે ૫૫૦ મીટર ખેતરમાં ચાલે છે. ૪૫૫ મીટર કાચા રસ્તા પર ચાલે છે, ૨૬૫ મીટર પાકા ડામર રોડ ઉપર ચાલે છે. તો તેણે કેટલા કિલોમીટર અને મીટર અંતર કાપ્યું કહેવાય?

એક સ્થળેથી સુનીલ ૨૫ કિમી દૂર અમદાવાદ જાય છે અને નરેન તે સ્થળેથી ૪૫ કિમી દૂર મહેસાણા જાય છે. બંને વિરુદ્ધ દિશામાં જાય છે, તો અમદાવાદથી મહેસાણાનું અંતર કેટલું થાય?

૧૫ કિમી લાંબા રસ્તા પૈકી ૮ કિમી ૫૦૦ મીટર રસ્તાનું સમારકામ થઈ ગયું છે. હવે કેટલા કિમી રસ્તાનું સમારકામ બાકી રહ્યું ?

૬૭ મીટર ૨૩ સેમીમાંથી ૫૧ મીટર ૯૧ સેમીની બાદબાકી કરો.