મનિષ ૧૫૦ સેમી ઊંચો છે. તેની બહેન ૧૧૦ સેમી ઊંચી છે. બંનેમાં વધાર ઊંચું કોણ? કેટલું?

સાહિલ પોતાના ઘરેથી ચાલતો આવે છે. તે ૫૫૦ મીટર ખેતરમાં ચાલે છે. ૪૫૫ મીટર કાચા રસ્તા પર ચાલે છે, ૨૬૫ મીટર પાકા ડામર રોડ ઉપર ચાલે છે. તો તેણે કેટલા કિલોમીટર અને મીટર અંતર કાપ્યું કહેવાય?

વીજળીના એક તારની લંબાઈ ૨૬૮ મીટર ૫૫ સેમી છે. જ્યારે બીજા તારની લંબાઈ ૧૭૭ મીટર ૬૫ સેમી છે. બંને તારની કુલ લંબાઈ કેટલી થાય ?

એક બસ એક ક્લાકમાં ૫૫ કિમી અંતર કાપે છે. ૩ ક્લાકના અંતે બસ કેટલું અંતર કાપશે ?

છોકરીઓની લાંબી કૂદમાં ગોપી સૌથી ઓછું ૩ મીટર ૩૨ સેમી કૂદી મીનુ બીજા ક્રમે આવી. તે ગોપી કરતાં ૧૨ સેમી વધારે કૂદી. નીલુ સૌથી લાંબું કૂદી. તે મીનુ કરતાં ૧૩ સેમી વધારે કૂદી, તો નીલુ અને ગોપીની લાંબી કૂદ વચ્ચેનો તફાવત કેટલો છે ?

મહેશ્વરી બહેને પ મીટર ૮૦ સેમી મોટી બારીના પડદા માટે કાપડ લીધું અને ૩ મીટર ર૦ સેમી નાની બારીના પડદા માટે કાપડ લીધું. તો, મહેશ્વરી બહેને કેટલું કાપડ લીધું હશે?

રતનપુરથી નવાગામનું અંતર ૧૫ કિમી છે અને જૂનાગામનું અંતર ૧૮ કિમી છે. તો નવાગામ અને જૂનાગામ વચ્ચેનું અંતર કેટલા કિમી થાય ?

મહેશ સ્કૂલે ખૂબ દૂરથી આવે છે. પહેલાં તે અંદાજે તળાવ તરફ ૪૦૦ મીટર ચાલે છે. પછી પોતાના સ્લીપર હાથમાં લઈને ૧૫૦ મીટર તળાવમાં ચાલે છે. ત્યારપછી તે ૩૫૦ મીટર પહોળા લીલા ખેતરને ઓળંગે. ત્યારબાદ ૪૦ મીટર પહોળો રસ્તો ચોકસાઈથી પસાર કરી શાળાએ પહોંચે છે.દરરોજ શાળાએ પહોંચવા મહેશ કેટલું ચાલે છે ?

૨૬ મીટર પ૦ સેમી અને ૪૮ મીટર ૬૩ સેમીનો સરવાળો કરો.

એક રમત-ગમતના મેદાનની ફરતે એક ચક્કર લગાવતા ૭૦૦ મીટર થાય છે. પારૂલને ૨ કિમી ચાલવા માટે ઓછામાં ઓછા કેટલા ચક્કર લગાવવા પડે ?