એક પેન્ટ સીવવા માટે ૧ મીટર ૨૦ સેમી કાપડ જોઈએ તો આવા ૪ પેન્ટ સીવવા માટે કેટલું કાપડ જોઈએ ?

કાશીબેન ૪ મીટર ૭૦ સેમી કાપડ ગાદલાનું કવર બનાવવા અને ૨ મીટર ૩૦ સેમી કાપડ ઓશિંકાનાં કવર બનાવવા ખરીદે છે. તો તેમણે કુલ કેટલું કાપડ ખરીધું કહેવાય ?

એક પાઈપલાઈન ૮ મીટર ૪૫ સેમી લાંબી છે અને બીજી પાઈપલાઈન ૭ મીટર ૨૫ સેમી લાંબી છે. બંને મળીને કુલ કેટલી લાંબી પાઈપલાઈન થાય ?

મોહિનીએ ૧૩ મીટર ૭૦ સેમી કાપડમાંથી ૮ મીટર ૬૫ સેમી કાપડનું ગાદલાનું કવર બનાવ્યું, તો હવે કેટલું કાપડ બાકી હશે ?

મહેશ સ્કૂલે ખૂબ દૂરથી આવે છે. પહેલાં તે અંદાજે તળાવ તરફ ૪૦૦ મીટર ચાલે છે. પછી પોતાના સ્લીપર હાથમાં લઈને ૧૫૦ મીટર તળાવમાં ચાલે છે. ત્યારપછી તે ૩૫૦ મીટર પહોળા લીલા ખેતરને ઓળંગે. ત્યારબાદ ૪૦ મીટર પહોળો રસ્તો ચોકસાઈથી પસાર કરી શાળાએ પહોંચે છે.દરરોજ શાળાએ પહોંચવા મહેશ કેટલું ચાલે છે ?

મહેશ્વરી બહેને પ મીટર ૮૦ સેમી મોટી બારીના પડદા માટે કાપડ લીધું અને ૩ મીટર ર૦ સેમી નાની બારીના પડદા માટે કાપડ લીધું. તો, મહેશ્વરી બહેને કેટલું કાપડ લીધું હશે?

રેશ્માએ ૧૦ કિમી અંતરમાંથી ૬ કિમી ૫૦૦ મીટર અંતર સાઈકલ ચલાવીને કાપ્યું તો હવે કેટલા કિમી અંતર બાકી રહે ?

રામ ૧ મીટર ૮૫ સેમી ઊંચો છે. રાધા તેના કરતા ૩૫ સેમી નાની છે. તો, બંનેની કુલ ઊંચાઈ કેટલી થાય?

૭૭ મીટર ૧૬ સેમીમાંથી ૪૩ મીટર ૩૮ સેમીની બાદબાકી કરો.

છોકરીઓની લાંબી કૂદમાં રાહી સૌથી ઓછું ૪ મીટર ૫૪ સેમી કૂદી. વિહા બીજા ક્રમે આવી તે રાહી કરતા ર૦ સેમી વધારે કૂદી. ક્રિશા સૌથી લાંબુ કૂદી. તે વિહા કરતાં ર૩ સેમી વધારે કૂદી, તો ક્રિશા અને રાહીની લાંબીકૂદ વચ્ચેનો તફાવત કેટલો છે?