એક ગામમાં ૯૦૦ માણસોની વસ્તી છે. લગ્નપ્રસંગે ૩૫૯ માણસો બાજુના ગામમાં ગયા. હવે ગામમાં કેટલા માણસો બાકી રહ્યા હશે? 

જાનવી પાસે ૪૯૭ કેરી હતી. તેમાંથી તેણે અંજલિને ૨૦૯ કેરી આપી. તો જાનવી પાસે કેટલી કેરી વધી?

એક શાળામાં ૪૦૯ વિદ્યાર્થીઓ હતા. તેમાંથી સાતમું ધોરણ પાસ કરીને ૯૬ વિદ્યાર્થીઓ બીજી શાળામાં ગયા, તો આ શાળામાં કેટલા વિદ્યાર્થીઓ બાકી રહ્યા ?

ગોપિકાએ તેના ઘરના ગેસ બિલનું મીટર વાંચ્યુ. ગયા મહિને ૧૧૬ યુનિટ હતા. આ મહિને ૩૪૫ યુનિટ થયા છે. તો આ મહિનામાં ગેસ બિલના કેટલા યુનિટ વપરાયા?

બગીચાની દીવાલ બનાવવા ૯૦૦ ઈંટ મંગાવવામાં આવી. દીવાલ બનાવવા ૬૬૬ ઇંટ વપરાઈ ગઈ. હવે કેટલી ઈંટ બાકી રહી ?

ગીતા પાસે તેના પાકિટમાં ૩૬૮ રૂપિયા હતા. તેણે ૧૨૩ રૂપિયાનું પુસ્તક ખરીધું. હવે તેના પાકિટમાં કેટલા રૂપિયા રહ્યા ?

એક ટોપલામાં ૭૦૩ ગુલાબનાં ફૂલ હતાં. તેમાંથી ૬૪૫ ગુલાબનાં ફૂલ હાર બનાવવામાં વપરાઈ ગયાં. હવે ટોપલામાં કેટલાં ગુલાબનાં ફૂલ હશે ?

શાળાની બચત બેન્કમાં કિશોરના ૯૫ રૂપિયા જમા હતા. તેમાંથી તેણે ૩૮ રૂપિયા ઉપાડી લીધા. હવે તેના કેટલા રૂપિયા બચત બેન્કમાં બાકી રહ્યા?

એક બોક્સમાં ૫૪૩ બિસ્કીટનાં પેકેટ હતાં, તેમાંથી ૩૧૮ પેકેટ બાળકોને વહેંચી દીધાં. તો હવે બોક્સમાં કેટલા પેકેટ બાકી રહ્યાં હશે?

નરેશ પાસે ૭૪ લખોટીઓ છે. તેમાંથી ૩૯ લખોટી તેણે તેના ભાઈને આપી દીધી. હવે નરેશ પાસે કેટલી લખોટી બાકી રહી?