પ્રિયાએ તેના ઘરનું વીજળીનું મીટર વાંચ્યું. ગયા મહિને ૧૧૯ યુનિટ હતા. આ મહિને ૨૯૪ યુનિટ થયા છે, તો એક મહિનામાં વીજળીના કેટલા યુનિટ વપરાયા ?

શરીફાની માતાએ તેને કેટલીક વસ્તુઓ ખરીદવા માટે બજારમાં મોકલી. તેણે તેને ₹ ૨૪૫ આપ્યા. શરીફાએ ₹ ૧૨૭ માં ૧ કિગ્રા કપડાં ધોવાનો પાઉડર ખરીધો. દુકાનદારે તેને ₹ ૯૮ પરત કર્યા. દુકાનદારે તેને બરાબર રૂપિયા પાછા આપ્યા ?

નરેશ પાસે ૭૪ લખોટીઓ છે. તેમાંથી ૩૯ લખોટી તેણે તેના ભાઈને આપી દીધી. હવે નરેશ પાસે કેટલી લખોટી બાકી રહી?

એક ટોપલામાં ૭૦૩ ગુલાબનાં ફૂલ હતાં. તેમાંથી ૬૪૫ ગુલાબનાં ફૂલ હાર બનાવવામાં વપરાઈ ગયાં. હવે ટોપલામાં કેટલાં ગુલાબનાં ફૂલ હશે ?

એક શાળામાં ૪૦૯ વિદ્યાર્થીઓ હતા. તેમાંથી સાતમું ધોરણ પાસ કરીને ૯૬ વિદ્યાર્થીઓ બીજી શાળામાં ગયા, તો આ શાળામાં કેટલા વિદ્યાર્થીઓ બાકી રહ્યા ?

અરવિંદે વાર્તાના પુસ્તકનાં ૬૯ પાનાં વાંચ્યાં છે. ગૌરીએ તે જ પુસ્તકનાં ૯૫ પાનાં વાંચ્યાં છે, તો કોણે વધારે પાનાં વાંચ્યાં છે ? કેટલા વધારે ?

લતા પાસે ૫૪૭ રૂપિયા હતા, તેના પપ્પાએ ૨૫૦ રૂપિયા આપ્યા. તેણે ૪૮૫ રૂપિયાની સાડી ખરીદી. હવે તેની પાસે કેટલી રકમ બાકી રહી ?

વાર્તાની એક ચોપડીમાં ૯૦ પાનાં છે. તેમાંથી કોમલે ૫૨ પાનાં વાંચી લીધા, તો હવે તેને કેટલા પાનાં વાંચવાના બાકી રહ્યાં?

શાળામાં સોમવારે ૩૫૮ બાળકો હાજર હતાં, મંગળવારે ૨૯૬ બાળકો હાજર હતાં; તો સોમવાર કરતાં મંગળવારે કેટલાં બાળકો ગેરહાજર રહ્યાં ?