નિકીતાબહેન પાસે ૬૯૪ રૂપિયા હતા, તેમાંથી તેમણે ૫૯૫ રૂપિયાનો માલસામાન ખરીદ્યો. હવે નિકીતાબહેન પાસે કેટલા રૂપિયા બાકી વધ્યા ?

નમન ૮૦૦ રૂપિયા લઈને શહેરમાં ગયો. ત્યાં તેણે ૬૦૦ રૂપિયાનું જીન્સનું પેન્ટ ખરીદું. આ પછી તેની પાસે હવે કેટલા રૂપિયા બાકી રહ્યાં? 

જાનવી પાસે ૪૯૭ કેરી હતી. તેમાંથી તેણે અંજલિને ૨૦૯ કેરી આપી. તો જાનવી પાસે કેટલી કેરી વધી?

મોહનભાઈ ૯૦૦ રૂપિયા લઈને બજારમાં ગયા. તેમણે ૩૪૫ રૂપિયાનો શર્ટ અને ૧૩૦ રૂપિયાનો બેલ્ટ ખરીદ્યો. હવે તેમની પાસે કેટલા રૂપિયા વધ્યા હશે ?

પ્રિયાએ તેના ઘરનું વીજળીનું મીટર વાંચ્યું. ગયા મહિને ૧૧૯ યુનિટ હતા. આ મહિને ૨૯૪ યુનિટ થયા છે, તો એક મહિનામાં વીજળીના કેટલા યુનિટ વપરાયા ?

એક દીવાલ બનાવવા ૮૦૦ ઇંટો મંગાવી હતી તેમાંથી ૫૭૬ ઈંટો વપરાઈ ગઈ. હવે કેટલી ઇંટો બાકી રહી ?

વાર્તાની એક ચોપડીમાં ૯૦ પાનાં છે. તેમાંથી કોમલે ૫૨ પાનાં વાંચી લીધા, તો હવે તેને કેટલા પાનાં વાંચવાના બાકી રહ્યાં?

બાળ કાચબાની ઉંમર ૩૩ વર્ષ છે. તેની માતા (કાચબી) ની ઉંમર ૧૫૦ વર્ષ છે. માતા (કાચબી) કરતાં બાળ કાચબો કેટલો નાનો છે ?