એક રમત-ગમતના મેદાનની ફરતે એક ચક્કર લગાવતા ૭૦૦ મીટર થાય છે. પારૂલને ૨ કિમી ચાલવા માટે ઓછામાં ઓછા કેટલા ચક્કર લગાવવા પડે ?

સાહિલ પોતાના ઘરેથી ચાલતો આવે છે. તે ૫૫૦ મીટર ખેતરમાં ચાલે છે. ૪૫૫ મીટર કાચા રસ્તા પર ચાલે છે, ૨૬૫ મીટર પાકા ડામર રોડ ઉપર ચાલે છે. તો તેણે કેટલા કિલોમીટર અને મીટર અંતર કાપ્યું કહેવાય?

મહેશ સ્કૂલે ખૂબ દૂરથી આવે છે. પહેલાં તે અંદાજે તળાવ તરફ ૪૦૦ મીટર ચાલે છે. પછી પોતાના સ્લીપર હાથમાં લઈને ૧૫૦ મીટર તળાવમાં ચાલે છે. ત્યારપછી તે ૩૫૦ મીટર પહોળા લીલા ખેતરને ઓળંગે. ત્યારબાદ ૪૦ મીટર પહોળો રસ્તો ચોકસાઈથી પસાર કરી શાળાએ પહોંચે છે.દરરોજ શાળાએ પહોંચવા મહેશ કેટલું ચાલે છે ?

મોહિનીએ ૧૩ મીટર ૭૦ સેમી કાપડમાંથી ૮ મીટર ૬૫ સેમી કાપડનું ગાદલાનું કવર બનાવ્યું, તો હવે કેટલું કાપડ બાકી હશે ?

મહેશ્વરી બહેને પ મીટર ૮૦ સેમી મોટી બારીના પડદા માટે કાપડ લીધું અને ૩ મીટર ર૦ સેમી નાની બારીના પડદા માટે કાપડ લીધું. તો, મહેશ્વરી બહેને કેટલું કાપડ લીધું હશે?

એક પેન્ટ સીવવા માટે ૧ મીટર ૨૦ સેમી કાપડ જોઈએ તો આવા ૪ પેન્ટ સીવવા માટે કેટલું કાપડ જોઈએ ?

સુબોધ ગાંધીનગર જાય છે.જે ૨૧ કિમી દૂર છે. મંજરી હિંમતનગર જાય છે. જે ૪૩ કિમી દૂર તેની વિરુદ્ધ દિશામાં છે. ગાંધીનગરથી હિંમતનગર કેટલું દૂર થાય ?

છોકરીઓની લાંબી કૂદમાં રાહી સૌથી ઓછું ૪ મીટર ૫૪ સેમી કૂદી. વિહા બીજા ક્રમે આવી તે રાહી કરતા ર૦ સેમી વધારે કૂદી. ક્રિશા સૌથી લાંબુ કૂદી. તે વિહા કરતાં ર૩ સેમી વધારે કૂદી, તો ક્રિશા અને રાહીની લાંબીકૂદ વચ્ચેનો તફાવત કેટલો છે?

ફ્રિજની ઊંચાઈ ૧૮૦ સેમી છે અને ટેબલની ઊંચાઈ ૧૨૦ સેમી છે. તો, બંનેમાં વધારે ઊંચાઈ કોની અને કેટલી?

રામ ૧ મીટર ૮૫ સેમી ઊંચો છે. રાધા તેના કરતા ૩૫ સેમી નાની છે. તો, બંનેની કુલ ઊંચાઈ કેટલી થાય?