Social Studies भूगोल - स्पष्ट करा : [4M]

(१) ज्या प्रदेशात तापमान गोठणबिंदूच्या खाली असते, अशा प्रदेशात हिम स्वरूपात वृष्टी होते.
(२) हिमवृष्टीमुळे भूपृष्ठावर हिमथर तयार होतो.
(३) हिमाच्या प्रचंड वजनामुळे हिमथर भूपृष्ठाच्या उतारावरून घसरू लागतो.
(४) दाब व घर्षण यांमुळे थराच्या तळाशी जमिनीलगत असलेले बर्फ वितळू लागते आणि हिमनदी तयार होऊन अतिशय संथपणे उताराच्या दिशेने सरकू लागते.

(१) नदीतील गाळाचे संचयन होण्यासाठी प्रामुख्याने नदीची लांबी, पाण्याचे प्रमाण, नदीतील गाळाचे प्रमाण हे घटक अत्यावश्यक असतात.
(२) याशिवाय भूपृष्ठाचा उतार व नदीचा उतार इत्यादी घटकही नदीच्या गाळाच्या संचयनासाठी आवश्यक असतात.

(१) भू-हिमोढ, पार्श्व हिमोढ, मध्य हिमोढ व अंत्य हिमोढ हे हिमोढाचे चार प्रकार होत.
(२) हिमनदीच्या तळाशी संचयित झालेल्या हिमोढास भू-हिमोढ म्हणतात. हिमनदीच्या काठाकडील संचयित हिमोढास पार्श्व हिमोढ म्हणतात.
(३) जेव्हा दोन हिमनद्या एकत्र येतात, तेथे त्यांच्या आतील दोन कडांच्या भागातील पार्श्व हिमोढांपासून मुख्य हिमनदीच्या पात्रात मध्य हिमोढ तयार होतो.
(४) हिमनदीच्या अग्रभागी म्हणजे जेथे हिमप्रवाहाचे जलप्रवाहात रूपांतर होते, तेथून पुढे जलप्रवाह हिमनदीने आणलेला सर्व हिमोढ पुढे वाहून नेऊ शकत नाही. त्यामुळे या भागात हिमोढ साचतो. हा हिमोढ हिमनदीच्या शेवटच्या भागात असल्यामुळे त्याला अंत्य हिमोढ म्हणतात.

(१) लवणस्तंभांची निर्मिती भूजल या कारकामुळे होते.
(२) चुनखडकांच्या प्रदेशातून क्षारयुक्त पाणी जाताना गुहांच्या छतांतून ते पाझरते. या पाण्याचे बाष्पीभवन होऊन त्यातील क्षार गुहेच्या छताशी व तळाशी साचतात व त्यामुळे तेथे लवणस्तंभांची निर्मिती होते.