હેત્વી પાસે ૯૧૮ રૂપિયા હતા. તેમાંથી તેણે ૫૦૦ રૂપિયાના રમકડાં લીધા. તો તેની પાસે કેટલા રૂપિયા વધ્યા?

મોહનભાઈ ૯૦૦ રૂપિયા લઈને બજારમાં ગયા. તેમણે ૩૪૫ રૂપિયાનો શર્ટ અને ૧૩૦ રૂપિયાનો બેલ્ટ ખરીદ્યો. હવે તેમની પાસે કેટલા રૂપિયા વધ્યા હશે ?

શાળા-પુસ્તકાલયમાં ૫૪૭ પુસ્તકો હતાં. વૅકેશન પડતાં તેમાંથી ૨૧૯ પુસ્તકો વિદ્યાર્થીઓ વાંચવા લઈ ગયાં, તો વૅકેશન દરમિયાન પુસ્તકાલયમાં કેટલાં પુસ્તકો બાકી રહ્યાં ?

ગીતા પાસે તેના પાકિટમાં ૩૬૮ રૂપિયા હતા. તેણે ૧૨૩ રૂપિયાનું પુસ્તક ખરીધું. હવે તેના પાકિટમાં કેટલા રૂપિયા રહ્યા ?

નેહા પાસે ૫૬૫ રૂપિયા હતા. તેમાંથી તેણે ૨૮૭ રૂપિયાનો ડ્રેસ ખરીદ્યો. હવે નેહા પાસે કેટલા રૂપિયા બાકી રહ્યા ?

પ્રિયાએ તેના ઘરનું વીજળીનું મીટર વાંચ્યું. ગયા મહિને ૧૧૯ યુનિટ હતા. આ મહિને ૨૯૪ યુનિટ થયા છે, તો એક મહિનામાં વીજળીના કેટલા યુનિટ વપરાયા ?

શાળામાં સોમવારે ૩૫૮ બાળકો હાજર હતાં, મંગળવારે ૨૯૬ બાળકો હાજર હતાં; તો સોમવાર કરતાં મંગળવારે કેટલાં બાળકો ગેરહાજર રહ્યાં ?

નરેશ પાસે ૭૪ લખોટીઓ છે. તેમાંથી ૩૯ લખોટી તેણે તેના ભાઈને આપી દીધી. હવે નરેશ પાસે કેટલી લખોટી બાકી રહી?