દયાના ઘરમાં ૫ વ્યક્તિ છે. દરેક વ્યક્તિ સવારે ૨૦૦ મિલિ દૂધ પીએ છે તો તેમને કુલ કેટલું દૂધ જોઈએ ? (અહીં ગુંજાશનો ગુણાકાર કરવો પડે.)

રાજેશભાઈને ચાની દુકાન છે. તે આખા દિવસમાં ૪૩૦ ટોકન ભેગા કરે છે, તો તે કેટલી ચા વેચે છે? (૧ ટોકનની કિંમત ૧૦ રૂપિયા છે.)

પાર્વતી પાસે ૧ લિટર પાણીની બોટલ છે. તેમાંથી તે ૨૫૦ મિલિ પાણી પીવે છે. આ બોટલમાંથી ગણેશ ૧૫૦ મિલિ પાણી પીવે છે. હવે બોટલમાં કેટલું પાણી રહ્યું હશે? (અહીં બંને ગુંજાશનો સરવાળો કરવો પડે.)

રાધાબેન ૧૫ લિટર તેલનો ડબ્બો લાવે છે. અઠવાડિયાં બાદ ૪ લિટર ૨૫૦ મિલિ તેલ વપરાય છે. તો ડબ્બામાં કેટલું તેલ બાકી રહ્યું હશે ? (અહીં બંને ગુંજાશની બાદબાકી કરવી પડે.)

દવાની એક બોટલમાં ૪૫ મિલિ દવા છે. દરરોજ ૫ મિલિ દવા પીવામાં આવે તો બોટલની દવા કેટલા દિવસ ચાલે ? (અહી ગુંજાશનો ભાગાકાર કરવો પડે.)

સોહિલભાઈ કેરોસીનના વેપારી છે. સવારે તેઓ ૪૫ લિટર ૫૦૦ મિલિ કેરોસીન લઈને નીકળે છે. સાંજ સુધીમાં ૧૮ લિટર ૨૫૦ મિલિ કેરોસીન વધે છે. તો તેમણે કેટલું કેરોસીન વેચ્યું હશે ? (અહીં બંને ગુંજાશની બાદબાકી કરવી પડે.)

અંકિત દરરોજ ડેરીથી ૯ ટોકન ખરીદે છે, જો એક ટોકન અડધો લિટર દૂધ માટે વપરાય, તો અંકિત દરરોજ કેટલું દૂધ ખરીદે છે?

પાણીના એક પાઉચમાં ૧૪૫ મિલિ પાણી સમાય તો આવા ૯ પાઉચમાં કેટલું પાણી સમાઈ શકે ? (અહીં ગુંજાશનો ગુણાકાર કરવો પડે.)

સાજણભાઈએ સવારે બસમાં ૩૦ લિટર ૫૦૦ મિલિ ડિઝલ પૂરાવ્યું અને સાંજે ૧૫ લિટર ૨૫૦ મિલિ ડિઝલ પૂરાવ્યું તો તેમણે દિવસ દરમિયાન કેટલા લિટર ડિઝલ પૂરાવ્યું ? (અહીં બંને ગુંજાશનો સરવાળો કરવો પડે.)