પાણીના એક પાઉચમાં ૧૪૫ મિલિ પાણી સમાય તો આવા ૯ પાઉચમાં કેટલું પાણી સમાઈ શકે ? (અહીં ગુંજાશનો ગુણાકાર કરવો પડે.)

મયંક દરરોજ ડેરીથી ૬ ટોકન ખરીદે છે. જો એક ટોકન અડધો લિટર દૂધ માટે વપરાય, તો મયંક દરરોજ કેટલું દૂધ ખરીદે છે? 

ગોબરભાઈ ઘરવપરાશ માટે ૧૫ લિટર તેલનો ડબ્બો લાવ્યા. સપ્તાહ પછી ૭ લિટર ૨૫૦ મિલિ તેલ બાકી રહ્યું તો એક સપ્તાહમાં કેટલા લિટર તેલ વપરાયું ?(અહીં ગુંજાશની બાદબાકી કરવી પડે.)

જિજ્ઞેસભાઈને ૫ દિવસમાં ૩૫૦ લિટર પેટ્રોલ જોઈએ, તો તેને એક દિવસમાં કેટલા લિટર પેટ્રોલ જોઈએ?

વિજયભાઈ સવારે ૫ લિટર ૪૫૦ મિલિ દૂધ લે છે અને સાંજે ૮ લિટર ૫૦૦ મિલિ દૂધ લે છે, તો વિજયભાઈ આખા દિવસનું કેટલું દૂધ લે?

દવાની એક બોટલમાં ૪૫ મિલિ દવા છે. દરરોજ ૫ મિલિ દવા પીવામાં આવે તો બોટલની દવા કેટલા દિવસ ચાલે ? (અહી ગુંજાશનો ભાગાકાર કરવો પડે.)

સોહિલભાઈ કેરોસીનના વેપારી છે. સવારે તેઓ ૪૫ લિટર ૫૦૦ મિલિ કેરોસીન લઈને નીકળે છે. સાંજ સુધીમાં ૧૮ લિટર ૨૫૦ મિલિ કેરોસીન વધે છે. તો તેમણે કેટલું કેરોસીન વેચ્યું હશે ? (અહીં બંને ગુંજાશની બાદબાકી કરવી પડે.)

અમીનાની પાણીની બોટલમાં ૧ લિટર પાણી સમાઈ શકે છે. તેણે ૨૫૦ મિલિ અને તેના મિત્ર ગોવિંદે ૧૫૦ મિલિ પાણી પીધું. હવે તેની બોટલમાં કેટલું પાણી બાકી રહ્યું હશે ?

ઠંડા પીણાની બોટલમાં ૩૦૦ મિલિ સોડા સમાય છે. આવી ૯ બોટલમાં કુલ કેટલી સોડા સમાઈ શકે? (અહીં ગુંજાશનો ગુણાકાર કરવો પડે.)

માનસીએ સ્કૂટરમાં ૫ લિટર ૫૦૦ મિલિ પેટ્રોલ પૂરાવ્યું. સ્કૂટરની ટાંકીમાં ૩ લિટર ૨૫૦ મિલિ પેટ્રોલ હતું તો સ્કૂટરની ટાંકીમાં પેટ્રોલનો કેટલો જથ્થો થયો ? (અહીં બંને ગુંજાશનો સરવાળો કરવો પડે.)