મયંક દરરોજ ડેરીથી ૬ ટોકન ખરીદે છે. જો એક ટોકન અડધો લિટર દૂધ માટે વપરાય, તો મયંક દરરોજ કેટલું દૂધ ખરીદે છે? 

ઠંડાંપીણાંની ૨ લિટર ૨૫૦ મિલિ બોટલમાંથી ચાર મિત્રોએ ૩૫૦ મિલિ ઠંડુંપીણું પીધું તો બોટલમાં કેટલું ઠંડુંપીણું બાકી રહ્યું ?

ગોબરભાઈ ઘરવપરાશ માટે ૧૫ લિટર તેલનો ડબ્બો લાવ્યા. સપ્તાહ પછી ૭ લિટર ૨૫૦ મિલિ તેલ બાકી રહ્યું તો એક સપ્તાહમાં કેટલા લિટર તેલ વપરાયું ?(અહીં ગુંજાશની બાદબાકી કરવી પડે.)

એક કાચના પ્યાલામાં ૨૫૦ મિલિ દૂધ સમાય તો આવા ૭ ગ્લાસમાં કેટલું દૂધ સમાય? (અહીં ગુંજાશનો ગુણાકાર કરવો પડે.)

અમીનાની પાણીની બોટલમાં ૧ લિટર પાણી સમાઈ શકે છે. તેણે ૨૫૦ મિલિ અને તેના મિત્ર ગોવિંદે ૧૫૦ મિલિ પાણી પીધું. હવે તેની બોટલમાં કેટલું પાણી બાકી રહ્યું હશે ?

એક દીપમાળામાં કુલ ૩૦ દીવા છે. દરેક દીવામાં ૫ મિલિ તેલ પૂરવામાં આવે તો કુલ કેટલું તેલ જોઈએ ? (અહીં ગુંજાશનો ગુણાકાર કરવો પડે.)

રાધાબેન ૧૫ લિટર તેલનો ડબ્બો લાવે છે. અઠવાડિયાં બાદ ૪ લિટર ૨૫૦ મિલિ તેલ વપરાય છે. તો ડબ્બામાં કેટલું તેલ બાકી રહ્યું હશે ? (અહીં બંને ગુંજાશની બાદબાકી કરવી પડે.)

દવાની એક બોટલમાં ૪૫ મિલિ દવા છે. દરરોજ ૫ મિલિ દવા પીવામાં આવે તો બોટલની દવા કેટલા દિવસ ચાલે ? (અહી ગુંજાશનો ભાગાકાર કરવો પડે.)

યુસુફ ચાની દુકાન ચલાવે છે. તે ૧ ગ્લાસ(કપ) ચા બનાવવા ૨૦ મિલિ દૂધ વાપરે છે. ગઈકાલે તેણે ૧૦૦ ગ્લાસ(કપ) ચા બનાવી, તો તેણે કેટલું દૂધ વાપર્યું હશે ?

સાજણભાઈએ સવારે બસમાં ૩૦ લિટર ૫૦૦ મિલિ ડિઝલ પૂરાવ્યું અને સાંજે ૧૫ લિટર ૨૫૦ મિલિ ડિઝલ પૂરાવ્યું તો તેમણે દિવસ દરમિયાન કેટલા લિટર ડિઝલ પૂરાવ્યું ? (અહીં બંને ગુંજાશનો સરવાળો કરવો પડે.)