રાધાના દાદીમાં બીમાર હતા. ડોકટરે તેમને ૨૦૦ મિલિ દવાની બોટલ આપી. તેમણે ૧૦ દિવસ સુધી દરરોજ સવારે દવા લેવાની છે, તો દરરોજ સવારે તેમણે કેટલા મિલિ દવા લેવી જોઈએ ?

પાણીના એક પાઉચમાં ૧૪૫ મિલિ પાણી સમાય તો આવા ૯ પાઉચમાં કેટલું પાણી સમાઈ શકે ? (અહીં ગુંજાશનો ગુણાકાર કરવો પડે.)

ઠંડા પીણાની બોટલમાં ૩૦૦ મિલિ સોડા સમાય છે. આવી ૯ બોટલમાં કુલ કેટલી સોડા સમાઈ શકે? (અહીં ગુંજાશનો ગુણાકાર કરવો પડે.)

જિજ્ઞેસભાઈને ૫ દિવસમાં ૩૫૦ લિટર પેટ્રોલ જોઈએ, તો તેને એક દિવસમાં કેટલા લિટર પેટ્રોલ જોઈએ?

સોહિલભાઈ કેરોસીનના વેપારી છે. સવારે તેઓ ૪૫ લિટર ૫૦૦ મિલિ કેરોસીન લઈને નીકળે છે. સાંજ સુધીમાં ૧૮ લિટર ૨૫૦ મિલિ કેરોસીન વધે છે. તો તેમણે કેટલું કેરોસીન વેચ્યું હશે ? (અહીં બંને ગુંજાશની બાદબાકી કરવી પડે.)

વિજયભાઈ સવારે ૫ લિટર ૪૫૦ મિલિ દૂધ લે છે અને સાંજે ૮ લિટર ૫૦૦ મિલિ દૂધ લે છે, તો વિજયભાઈ આખા દિવસનું કેટલું દૂધ લે?

અમિષાએ ૧ લિટર પાણીની બોટલમાંથી ૨૫૦ મિલિ પાણી પીધું અને તેના મિત્રએ ૧૫૦ મિલિ પાણી પીધુ, તો હવે બોટલમાં કેટલું પાણી બાકી રહ્યું હશે?

સાજણભાઈએ સવારે બસમાં ૩૦ લિટર ૫૦૦ મિલિ ડિઝલ પૂરાવ્યું અને સાંજે ૧૫ લિટર ૨૫૦ મિલિ ડિઝલ પૂરાવ્યું તો તેમણે દિવસ દરમિયાન કેટલા લિટર ડિઝલ પૂરાવ્યું ? (અહીં બંને ગુંજાશનો સરવાળો કરવો પડે.)

એક તેલની નાની શીશીમાં ૨૦૦ મિલિ તેલ સમાય, તો આવી ૨૮ શીશીમાં કેટલું તેલ સમાય?

ગોબરભાઈ ઘરવપરાશ માટે ૧૫ લિટર તેલનો ડબ્બો લાવ્યા. સપ્તાહ પછી ૭ લિટર ૨૫૦ મિલિ તેલ બાકી રહ્યું તો એક સપ્તાહમાં કેટલા લિટર તેલ વપરાયું ?(અહીં ગુંજાશની બાદબાકી કરવી પડે.)