એક શાળામાં ૪૦૯ વિદ્યાર્થીઓ હતા. તેમાંથી સાતમું ધોરણ પાસ કરીને ૯૬ વિદ્યાર્થીઓ બીજી શાળામાં ગયા, તો આ શાળામાં કેટલા વિદ્યાર્થીઓ બાકી રહ્યા ?

મોહનભાઈ ૯૦૦ રૂપિયા લઈને બજારમાં ગયા. તેમણે ૩૪૫ રૂપિયાનો શર્ટ અને ૧૩૦ રૂપિયાનો બેલ્ટ ખરીદ્યો. હવે તેમની પાસે કેટલા રૂપિયા વધ્યા હશે ?

આનંદ પાસે ૪૦૦ રૂપિયા હતા. તેમાંથી તેણે ૧૨૫ રૂપિયાની નોટબુક અને ૫૫ રૂપિયાનો કંપાસ ખરીદ્યો. હવે તેની પાસે કેટલા રૂપિયા બાકી રહ્યા ?

લતા પાસે ૫૪૭ રૂપિયા હતા, તેના પપ્પાએ ૨૫૦ રૂપિયા આપ્યા. તેણે ૪૮૫ રૂપિયાની સાડી ખરીદી. હવે તેની પાસે કેટલી રકમ બાકી રહી ?

એક વાડીમાં ૩૧૪ ઝાડ છે. તેમાંથી ૧૨૫ ઝાડ આંબા છે તથા બાકીનાં ઝાડ ચીકુનાં છે. તો ચીકુનાં ઝાડ કેટલાં હશે ?

એક દુકાનદારને સવારે ૩૮૪ રૂપિયાની આવક થઈ. બપોરે ૪૩૨ રૂપિયાની આવક થઈ અને સાંજે ફેરિયાને ૨૯૫ રૂપિયા ચુકવ્યા. તો દુકાનદાર પાસે કેટલા રૂપિયા રહ્યાં હશે ?

એક બોક્સમાં ૯૭૦ ચોકલેટ હતી. તેમાંથી ૪૫૮ ચોકલેટ બાળકોને વહેંચી દીધી. તો હવે બોક્સમાં કેટલી ચોકલેટ બાકી રહી હશે ?