શરીફાની માતાએ તેને કેટલીક વસ્તુઓ ખરીદવા માટે બજારમાં મોકલી. તેણે તેને ₹ ૨૪૫ આપ્યા. શરીફાએ ₹ ૧૨૭ માં ૧ કિગ્રા કપડાં ધોવાનો પાઉડર ખરીધો. દુકાનદારે તેને ₹ ૯૮ પરત કર્યા. દુકાનદારે તેને બરાબર રૂપિયા પાછા આપ્યા ?

એક ટોપલામાં ૭૦૩ ગુલાબનાં ફૂલ હતાં. તેમાંથી ૬૪૫ ગુલાબનાં ફૂલ હાર બનાવવામાં વપરાઈ ગયાં. હવે ટોપલામાં કેટલાં ગુલાબનાં ફૂલ હશે ?

એક શાળામાં ૪૦૯ વિદ્યાર્થીઓ હતા. તેમાંથી સાતમું ધોરણ પાસ કરીને ૯૬ વિદ્યાર્થીઓ બીજી શાળામાં ગયા, તો આ શાળામાં કેટલા વિદ્યાર્થીઓ બાકી રહ્યા ?

બાળ કાચબાની ઉંમર ૩૩ વર્ષ છે. તેની માતા (કાચબી) ની ઉંમર ૧૫૦ વર્ષ છે. માતા (કાચબી) કરતાં બાળ કાચબો કેટલો નાનો છે ?

અરવિંદે વાર્તાના પુસ્તકનાં ૬૯ પાનાં વાંચ્યાં છે. ગૌરીએ તે જ પુસ્તકનાં ૯૫ પાનાં વાંચ્યાં છે, તો કોણે વધારે પાનાં વાંચ્યાં છે ? કેટલા વધારે ?

એક દીવાલ બનાવવા ૮૦૦ ઇંટો મંગાવી હતી તેમાંથી ૫૭૬ ઈંટો વપરાઈ ગઈ. હવે કેટલી ઇંટો બાકી રહી ?

એક દુકાનદાર પાસે ૮૮૭ બલ્બ છે. તેમાંથી તેણે ૫૯૦ બલ્બ વહેંચ્યા. તો દુકાનદાર પાસે કેટલાં બલ્બ વધ્યા?

નિકીતાબહેન પાસે ૬૯૪ રૂપિયા હતા, તેમાંથી તેમણે ૫૯૫ રૂપિયાનો માલસામાન ખરીદ્યો. હવે નિકીતાબહેન પાસે કેટલા રૂપિયા બાકી વધ્યા ?