એક બોક્સમાં ૯૭૦ ચોકલેટ હતી. તેમાંથી ૪૫૮ ચોકલેટ બાળકોને વહેંચી દીધી. તો હવે બોક્સમાં કેટલી ચોકલેટ બાકી રહી હશે ?

એક દુકાનદારને સવારે ૩૮૪ રૂપિયાની આવક થઈ. બપોરે ૪૩૨ રૂપિયાની આવક થઈ અને સાંજે ફેરિયાને ૨૯૫ રૂપિયા ચુકવ્યા. તો દુકાનદાર પાસે કેટલા રૂપિયા રહ્યાં હશે ?

શાળામાં સોમવારે ૩૫૮ બાળકો હાજર હતાં, મંગળવારે ૨૯૬ બાળકો હાજર હતાં; તો સોમવાર કરતાં મંગળવારે કેટલાં બાળકો ગેરહાજર રહ્યાં ?

ગોપિકાએ તેના ઘરના ગેસ બિલનું મીટર વાંચ્યુ. ગયા મહિને ૧૧૬ યુનિટ હતા. આ મહિને ૩૪૫ યુનિટ થયા છે. તો આ મહિનામાં ગેસ બિલના કેટલા યુનિટ વપરાયા?

શાળા-પુસ્તકાલયમાં ૫૪૭ પુસ્તકો હતાં. વૅકેશન પડતાં તેમાંથી ૨૧૯ પુસ્તકો વિદ્યાર્થીઓ વાંચવા લઈ ગયાં, તો વૅકેશન દરમિયાન પુસ્તકાલયમાં કેટલાં પુસ્તકો બાકી રહ્યાં ?

એક વાડીમાં ૩૧૪ ઝાડ છે. તેમાંથી ૧૨૫ ઝાડ આંબા છે તથા બાકીનાં ઝાડ ચીકુનાં છે. તો ચીકુનાં ઝાડ કેટલાં હશે ?

એક દીવાલ બનાવવા ૮૦૦ ઇંટો મંગાવી હતી તેમાંથી ૫૭૬ ઈંટો વપરાઈ ગઈ. હવે કેટલી ઇંટો બાકી રહી ?