સાજણભાઈએ સવારે બસમાં ૩૦ લિટર ૫૦૦ મિલિ ડિઝલ પૂરાવ્યું અને સાંજે ૧૫ લિટર ૨૫૦ મિલિ ડિઝલ પૂરાવ્યું તો તેમણે દિવસ દરમિયાન કેટલા લિટર ડિઝલ પૂરાવ્યું ? (અહીં બંને ગુંજાશનો સરવાળો કરવો પડે.)

સોહિલભાઈ કેરોસીનના વેપારી છે. સવારે તેઓ ૪૫ લિટર ૫૦૦ મિલિ કેરોસીન લઈને નીકળે છે. સાંજ સુધીમાં ૧૮ લિટર ૨૫૦ મિલિ કેરોસીન વધે છે. તો તેમણે કેટલું કેરોસીન વેચ્યું હશે ? (અહીં બંને ગુંજાશની બાદબાકી કરવી પડે.)

એક તેલની નાની શીશીમાં ૨૦૦ મિલિ તેલ સમાય, તો આવી ૨૮ શીશીમાં કેટલું તેલ સમાય?

શામુ પાસે ૨૫૦ મિલિની એક બોટલ છે. તેમાં તેને ૧ લિટરની બોટલ ભરવી હોય તો કેટલી નાની બોટલ ભરીને મોટી બોટલમાં નાખવી પડે ?

એક દીપમાળામાં કુલ ૩૦ દીવા છે. દરેક દીવામાં ૫ મિલિ તેલ પૂરવામાં આવે તો કુલ કેટલું તેલ જોઈએ ? (અહીં ગુંજાશનો ગુણાકાર કરવો પડે.)

ગોબરભાઈ ઘરવપરાશ માટે ૧૫ લિટર તેલનો ડબ્બો લાવ્યા. સપ્તાહ પછી ૭ લિટર ૨૫૦ મિલિ તેલ બાકી રહ્યું તો એક સપ્તાહમાં કેટલા લિટર તેલ વપરાયું ?(અહીં ગુંજાશની બાદબાકી કરવી પડે.)

અંકિત દરરોજ ડેરીથી ૯ ટોકન ખરીદે છે, જો એક ટોકન અડધો લિટર દૂધ માટે વપરાય, તો અંકિત દરરોજ કેટલું દૂધ ખરીદે છે?

અમિષાએ ૧ લિટર પાણીની બોટલમાંથી ૨૫૦ મિલિ પાણી પીધું અને તેના મિત્રએ ૧૫૦ મિલિ પાણી પીધુ, તો હવે બોટલમાં કેટલું પાણી બાકી રહ્યું હશે?

૫૦૦ મિલિ શરબતની બોટલમાં પ મિત્રો સરખે ભાગે શરબત લે છે. દરેકને કેટલું શરબત મળે ? (અહીં ગુંજાશનો ભાગાકાર કરવો પડે.)

તેલના એક ડબ્બામાં ૧૫ લિટર તેલ છે. આવા ૬ ડબ્બાનું તેલ કેટલું થાય?