તેલના એક ડબ્બામાં ૧૫ લિટર તેલ છે. આવા ૬ ડબ્બાનું તેલ કેટલું થાય?

શામુ પાસે ૨૫૦ મિલિની એક બોટલ છે. તેમાં તેને ૧ લિટરની બોટલ ભરવી હોય તો કેટલી નાની બોટલ ભરીને મોટી બોટલમાં નાખવી પડે ?

૫૦૦ મિલિ શરબતની બોટલમાં પ મિત્રો સરખે ભાગે શરબત લે છે. દરેકને કેટલું શરબત મળે ? (અહીં ગુંજાશનો ભાગાકાર કરવો પડે.)

પાણીના એક પાઉચમાં ૧૪૫ મિલિ પાણી સમાય તો આવા ૯ પાઉચમાં કેટલું પાણી સમાઈ શકે ? (અહીં ગુંજાશનો ગુણાકાર કરવો પડે.)

જિજ્ઞેસભાઈને ૫ દિવસમાં ૩૫૦ લિટર પેટ્રોલ જોઈએ, તો તેને એક દિવસમાં કેટલા લિટર પેટ્રોલ જોઈએ?

યુસુફ ચાની દુકાન ચલાવે છે. તે ૧ ગ્લાસ(કપ) ચા બનાવવા ૨૦ મિલિ દૂધ વાપરે છે. ગઈકાલે તેણે ૧૦૦ ગ્લાસ(કપ) ચા બનાવી, તો તેણે કેટલું દૂધ વાપર્યું હશે ?

એક તેલની નાની શીશીમાં ૨૦૦ મિલિ તેલ સમાય, તો આવી ૨૮ શીશીમાં કેટલું તેલ સમાય?

સાજણભાઈએ સવારે બસમાં ૩૦ લિટર ૫૦૦ મિલિ ડિઝલ પૂરાવ્યું અને સાંજે ૧૫ લિટર ૨૫૦ મિલિ ડિઝલ પૂરાવ્યું તો તેમણે દિવસ દરમિયાન કેટલા લિટર ડિઝલ પૂરાવ્યું ? (અહીં બંને ગુંજાશનો સરવાળો કરવો પડે.)

અમીનાની પાણીની બોટલમાં ૧ લિટર પાણી સમાઈ શકે છે. તેણે ૨૫૦ મિલિ અને તેના મિત્ર ગોવિંદે ૧૫૦ મિલિ પાણી પીધું. હવે તેની બોટલમાં કેટલું પાણી બાકી રહ્યું હશે ?

૧ લિટર ઠંડાપીણાની બૉટલ ૫ મિત્રો સરખા ભાગે પીએ છે. તો દરેકે કેટલા મિલિ સોડા પીધી હશે ?