યુસુફ ચાની દુકાન ચલાવે છે. તે ૧ ગ્લાસ(કપ) ચા બનાવવા ૨૦ મિલિ દૂધ વાપરે છે. ગઈકાલે તેણે ૧૦૦ ગ્લાસ(કપ) ચા બનાવી, તો તેણે કેટલું દૂધ વાપર્યું હશે ?

રાધાના દાદીમાં બીમાર હતા. ડોકટરે તેમને ૨૦૦ મિલિ દવાની બોટલ આપી. તેમણે ૧૦ દિવસ સુધી દરરોજ સવારે દવા લેવાની છે, તો દરરોજ સવારે તેમણે કેટલા મિલિ દવા લેવી જોઈએ ?

અમીનાની પાણીની બોટલમાં ૧ લિટર પાણી સમાઈ શકે છે. તેણે ૨૫૦ મિલિ અને તેના મિત્ર ગોવિંદે ૧૫૦ મિલિ પાણી પીધું. હવે તેની બોટલમાં કેટલું પાણી બાકી રહ્યું હશે ?

વિજયભાઈ સવારે ૫ લિટર ૪૫૦ મિલિ દૂધ લે છે અને સાંજે ૮ લિટર ૫૦૦ મિલિ દૂધ લે છે, તો વિજયભાઈ આખા દિવસનું કેટલું દૂધ લે?

માધવભાઈ ગાયનું દૂધ ૪ લિટર ૫૦૦ મિલિ અને ભેંસનું દૂધ ૬ લિટર ૨૫૦ મિલિ વેચે છે. તો કુલ કેટલું દૂધ તેમણે વેચ્યું ?

સાજણભાઈએ સવારે બસમાં ૩૦ લિટર ૫૦૦ મિલિ ડિઝલ પૂરાવ્યું અને સાંજે ૧૫ લિટર ૨૫૦ મિલિ ડિઝલ પૂરાવ્યું તો તેમણે દિવસ દરમિયાન કેટલા લિટર ડિઝલ પૂરાવ્યું ? (અહીં બંને ગુંજાશનો સરવાળો કરવો પડે.)

તેલના એક ડબ્બામાં ૧૫ લિટર તેલ છે. આવા ૬ ડબ્બાનું તેલ કેટલું થાય?

અંકિત દરરોજ ડેરીથી ૯ ટોકન ખરીદે છે, જો એક ટોકન અડધો લિટર દૂધ માટે વપરાય, તો અંકિત દરરોજ કેટલું દૂધ ખરીદે છે?

જાસ્મીને ૩ લિટર દૂધ માંથી ૧ લિટર દૂધની ચા બનાવી અને ૧ લિટર ર૦૦ મિલિનો દૂધ પાક બનાવ્યો. તો જાસ્મીન પાસે કેટલુ દૂધ વધ્યું હશે?