રાધાબેન ૧૫ લિટર તેલનો ડબ્બો લાવે છે. અઠવાડિયાં બાદ ૪ લિટર ૨૫૦ મિલિ તેલ વપરાય છે. તો ડબ્બામાં કેટલું તેલ બાકી રહ્યું હશે ? (અહીં બંને ગુંજાશની બાદબાકી કરવી પડે.)

ઠંડાંપીણાંની ૨ લિટર ૨૫૦ મિલિ બોટલમાંથી ચાર મિત્રોએ ૩૫૦ મિલિ ઠંડુંપીણું પીધું તો બોટલમાં કેટલું ઠંડુંપીણું બાકી રહ્યું ?

પાર્વતી પાસે ૧ લિટર પાણીની બોટલ છે. તેમાંથી તે ૨૫૦ મિલિ પાણી પીવે છે. આ બોટલમાંથી ગણેશ ૧૫૦ મિલિ પાણી પીવે છે. હવે બોટલમાં કેટલું પાણી રહ્યું હશે? (અહીં બંને ગુંજાશનો સરવાળો કરવો પડે.)

રાજેશભાઈને ચાની દુકાન છે. તે આખા દિવસમાં ૪૩૦ ટોકન ભેગા કરે છે, તો તે કેટલી ચા વેચે છે? (૧ ટોકનની કિંમત ૧૦ રૂપિયા છે.)

સોહિલભાઈ કેરોસીનના વેપારી છે. સવારે તેઓ ૪૫ લિટર ૫૦૦ મિલિ કેરોસીન લઈને નીકળે છે. સાંજ સુધીમાં ૧૮ લિટર ૨૫૦ મિલિ કેરોસીન વધે છે. તો તેમણે કેટલું કેરોસીન વેચ્યું હશે ? (અહીં બંને ગુંજાશની બાદબાકી કરવી પડે.)

પાણીના એક પાઉચમાં ૧૪૫ મિલિ પાણી સમાય તો આવા ૯ પાઉચમાં કેટલું પાણી સમાઈ શકે ? (અહીં ગુંજાશનો ગુણાકાર કરવો પડે.)

વિજયભાઈ સવારે ૫ લિટર ૪૫૦ મિલિ દૂધ લે છે અને સાંજે ૮ લિટર ૫૦૦ મિલિ દૂધ લે છે, તો વિજયભાઈ આખા દિવસનું કેટલું દૂધ લે?

અમીનાની પાણીની બોટલમાં ૧ લિટર પાણી સમાઈ શકે છે. તેણે ૨૫૦ મિલિ અને તેના મિત્ર ગોવિંદે ૧૫૦ મિલિ પાણી પીધું. હવે તેની બોટલમાં કેટલું પાણી બાકી રહ્યું હશે ?

જિજ્ઞેસભાઈને ૫ દિવસમાં ૩૫૦ લિટર પેટ્રોલ જોઈએ, તો તેને એક દિવસમાં કેટલા લિટર પેટ્રોલ જોઈએ?