દયાના ઘરમાં ૫ વ્યક્તિ છે. દરેક વ્યક્તિ સવારે ૨૦૦ મિલિ દૂધ પીએ છે તો તેમને કુલ કેટલું દૂધ જોઈએ ? (અહીં ગુંજાશનો ગુણાકાર કરવો પડે.)

રાધાબેન ૧૫ લિટર તેલનો ડબ્બો લાવે છે. અઠવાડિયાં બાદ ૪ લિટર ૨૫૦ મિલિ તેલ વપરાય છે. તો ડબ્બામાં કેટલું તેલ બાકી રહ્યું હશે ? (અહીં બંને ગુંજાશની બાદબાકી કરવી પડે.)

દવાની એક બોટલમાં ૪૫ મિલિ દવા છે. દરરોજ ૫ મિલિ દવા પીવામાં આવે તો બોટલની દવા કેટલા દિવસ ચાલે ? (અહી ગુંજાશનો ભાગાકાર કરવો પડે.)

હિતેશભાઈને સોડાની દુકાન છે. ૧ ગ્લાસ સોડા બનાવવા માટે ૧૫૦ મિલિ પાણી જોઈએ તો ૮૦ ગ્લાસ બનાવવા માટે હિતેશભાઈને કેટલું પાણી જોઈશે?

માનસીએ સ્કૂટરમાં ૫ લિટર ૫૦૦ મિલિ પેટ્રોલ પૂરાવ્યું. સ્કૂટરની ટાંકીમાં ૩ લિટર ૨૫૦ મિલિ પેટ્રોલ હતું તો સ્કૂટરની ટાંકીમાં પેટ્રોલનો કેટલો જથ્થો થયો ? (અહીં બંને ગુંજાશનો સરવાળો કરવો પડે.)

રાધાના દાદીમાં બીમાર હતા. ડોકટરે તેમને ૨૦૦ મિલિ દવાની બોટલ આપી. તેમણે ૧૦ દિવસ સુધી દરરોજ સવારે દવા લેવાની છે, તો દરરોજ સવારે તેમણે કેટલા મિલિ દવા લેવી જોઈએ ?

સોહિલભાઈ કેરોસીનના વેપારી છે. સવારે તેઓ ૪૫ લિટર ૫૦૦ મિલિ કેરોસીન લઈને નીકળે છે. સાંજ સુધીમાં ૧૮ લિટર ૨૫૦ મિલિ કેરોસીન વધે છે. તો તેમણે કેટલું કેરોસીન વેચ્યું હશે ? (અહીં બંને ગુંજાશની બાદબાકી કરવી પડે.)

પાણીના એક પાઉચમાં ૧૪૫ મિલિ પાણી સમાય તો આવા ૯ પાઉચમાં કેટલું પાણી સમાઈ શકે ? (અહીં ગુંજાશનો ગુણાકાર કરવો પડે.)

ધારાની દાદી બીમાર હતી, ડોક્ટરે ૨૦૦ મિલિની દેવાની શીશી આપી અને દસ દિવસ સુધી દરરોજ સવારે એકસરખા માપની દવા લેવાનું કહ્યું, તો ધારાની દાદીએ દરરોજ સવારે કેટલા મિલિ દવા લીધી હશે?

શામુ પાસે ૨૫૦ મિલિની એક બોટલ છે. તેમાં તેને ૧ લિટરની બોટલ ભરવી હોય તો કેટલી નાની બોટલ ભરીને મોટી બોટલમાં નાખવી પડે ?