એક કાચના પ્યાલામાં ૨૫૦ મિલિ દૂધ સમાય તો આવા ૭ ગ્લાસમાં કેટલું દૂધ સમાય? (અહીં ગુંજાશનો ગુણાકાર કરવો પડે.)

ઠંડાંપીણાંની ૨ લિટર ૨૫૦ મિલિ બોટલમાંથી ચાર મિત્રોએ ૩૫૦ મિલિ ઠંડુંપીણું પીધું તો બોટલમાં કેટલું ઠંડુંપીણું બાકી રહ્યું ?

મયંક દરરોજ ડેરીથી ૬ ટોકન ખરીદે છે. જો એક ટોકન અડધો લિટર દૂધ માટે વપરાય, તો મયંક દરરોજ કેટલું દૂધ ખરીદે છે? 

દવાની એક બોટલમાં ૪૫ મિલિ દવા છે. દરરોજ ૫ મિલિ દવા પીવામાં આવે તો બોટલની દવા કેટલા દિવસ ચાલે ? (અહી ગુંજાશનો ભાગાકાર કરવો પડે.)

ઠંડા પીણાની બોટલમાં ૩૦૦ મિલિ સોડા સમાય છે. આવી ૯ બોટલમાં કુલ કેટલી સોડા સમાઈ શકે? (અહીં ગુંજાશનો ગુણાકાર કરવો પડે.)

યુસુફ ચાની દુકાન ચલાવે છે. તે ૧ ગ્લાસ(કપ) ચા બનાવવા ૨૦ મિલિ દૂધ વાપરે છે. ગઈકાલે તેણે ૧૦૦ ગ્લાસ(કપ) ચા બનાવી, તો તેણે કેટલું દૂધ વાપર્યું હશે ?

અંકિત દરરોજ ડેરીથી ૯ ટોકન ખરીદે છે, જો એક ટોકન અડધો લિટર દૂધ માટે વપરાય, તો અંકિત દરરોજ કેટલું દૂધ ખરીદે છે?

રાધાબેન ૧૫ લિટર તેલનો ડબ્બો લાવે છે. અઠવાડિયાં બાદ ૪ લિટર ૨૫૦ મિલિ તેલ વપરાય છે. તો ડબ્બામાં કેટલું તેલ બાકી રહ્યું હશે ? (અહીં બંને ગુંજાશની બાદબાકી કરવી પડે.)

હિતેશભાઈને સોડાની દુકાન છે. ૧ ગ્લાસ સોડા બનાવવા માટે ૧૫૦ મિલિ પાણી જોઈએ તો ૮૦ ગ્લાસ બનાવવા માટે હિતેશભાઈને કેટલું પાણી જોઈશે?

સોહિલભાઈ કેરોસીનના વેપારી છે. સવારે તેઓ ૪૫ લિટર ૫૦૦ મિલિ કેરોસીન લઈને નીકળે છે. સાંજ સુધીમાં ૧૮ લિટર ૨૫૦ મિલિ કેરોસીન વધે છે. તો તેમણે કેટલું કેરોસીન વેચ્યું હશે ? (અહીં બંને ગુંજાશની બાદબાકી કરવી પડે.)