રાજેશભાઈને ચાની દુકાન છે. તે આખા દિવસમાં ૪૩૦ ટોકન ભેગા કરે છે, તો તે કેટલી ચા વેચે છે? (૧ ટોકનની કિંમત ૧૦ રૂપિયા છે.)

જાસ્મીને ૩ લિટર દૂધ માંથી ૧ લિટર દૂધની ચા બનાવી અને ૧ લિટર ર૦૦ મિલિનો દૂધ પાક બનાવ્યો. તો જાસ્મીન પાસે કેટલુ દૂધ વધ્યું હશે?

ઠંડાંપીણાંની ૨ લિટર ૨૫૦ મિલિ બોટલમાંથી ચાર મિત્રોએ ૩૫૦ મિલિ ઠંડુંપીણું પીધું તો બોટલમાં કેટલું ઠંડુંપીણું બાકી રહ્યું ?

માધવભાઈ ગાયનું દૂધ ૪ લિટર ૫૦૦ મિલિ અને ભેંસનું દૂધ ૬ લિટર ૨૫૦ મિલિ વેચે છે. તો કુલ કેટલું દૂધ તેમણે વેચ્યું ?

સોહિલભાઈ કેરોસીનના વેપારી છે. સવારે તેઓ ૪૫ લિટર ૫૦૦ મિલિ કેરોસીન લઈને નીકળે છે. સાંજ સુધીમાં ૧૮ લિટર ૨૫૦ મિલિ કેરોસીન વધે છે. તો તેમણે કેટલું કેરોસીન વેચ્યું હશે ? (અહીં બંને ગુંજાશની બાદબાકી કરવી પડે.)

તેલના એક ડબ્બામાં ૧૫ લિટર તેલ છે. આવા ૬ ડબ્બાનું તેલ કેટલું થાય?

પાણીના એક પાઉચમાં ૧૪૫ મિલિ પાણી સમાય તો આવા ૯ પાઉચમાં કેટલું પાણી સમાઈ શકે ? (અહીં ગુંજાશનો ગુણાકાર કરવો પડે.)

દવાની એક બોટલમાં ૪૫ મિલિ દવા છે. દરરોજ ૫ મિલિ દવા પીવામાં આવે તો બોટલની દવા કેટલા દિવસ ચાલે ? (અહી ગુંજાશનો ભાગાકાર કરવો પડે.)

મયંક દરરોજ ડેરીથી ૬ ટોકન ખરીદે છે. જો એક ટોકન અડધો લિટર દૂધ માટે વપરાય, તો મયંક દરરોજ કેટલું દૂધ ખરીદે છે? 

ગોબરભાઈ ઘરવપરાશ માટે ૧૫ લિટર તેલનો ડબ્બો લાવ્યા. સપ્તાહ પછી ૭ લિટર ૨૫૦ મિલિ તેલ બાકી રહ્યું તો એક સપ્તાહમાં કેટલા લિટર તેલ વપરાયું ?(અહીં ગુંજાશની બાદબાકી કરવી પડે.)