ગોબરભાઈ ઘરવપરાશ માટે ૧૫ લિટર તેલનો ડબ્બો લાવ્યા. સપ્તાહ પછી ૭ લિટર ૨૫૦ મિલિ તેલ બાકી રહ્યું તો એક સપ્તાહમાં કેટલા લિટર તેલ વપરાયું ?(અહીં ગુંજાશની બાદબાકી કરવી પડે.)

તેલના એક ડબ્બામાં ૧૫ લિટર તેલ છે. આવા ૬ ડબ્બાનું તેલ કેટલું થાય?

દયાના ઘરમાં ૫ વ્યક્તિ છે. દરેક વ્યક્તિ સવારે ૨૦૦ મિલિ દૂધ પીએ છે તો તેમને કુલ કેટલું દૂધ જોઈએ ? (અહીં ગુંજાશનો ગુણાકાર કરવો પડે.)

ઠંડા પીણાની બોટલમાં ૩૦૦ મિલિ સોડા સમાય છે. આવી ૯ બોટલમાં કુલ કેટલી સોડા સમાઈ શકે? (અહીં ગુંજાશનો ગુણાકાર કરવો પડે.)

માધવભાઈ ગાયનું દૂધ ૪ લિટર ૫૦૦ મિલિ અને ભેંસનું દૂધ ૬ લિટર ૨૫૦ મિલિ વેચે છે. તો કુલ કેટલું દૂધ તેમણે વેચ્યું ?

હિતેશભાઈને સોડાની દુકાન છે. ૧ ગ્લાસ સોડા બનાવવા માટે ૧૫૦ મિલિ પાણી જોઈએ તો ૮૦ ગ્લાસ બનાવવા માટે હિતેશભાઈને કેટલું પાણી જોઈશે?

૧ લિટર ઠંડાપીણાની બૉટલ ૫ મિત્રો સરખા ભાગે પીએ છે. તો દરેકે કેટલા મિલિ સોડા પીધી હશે ?

પાર્વતી પાસે ૧ લિટર પાણીની બોટલ છે. તેમાંથી તે ૨૫૦ મિલિ પાણી પીવે છે. આ બોટલમાંથી ગણેશ ૧૫૦ મિલિ પાણી પીવે છે. હવે બોટલમાં કેટલું પાણી રહ્યું હશે? (અહીં બંને ગુંજાશનો સરવાળો કરવો પડે.)

એક તેલની નાની શીશીમાં ૨૦૦ મિલિ તેલ સમાય, તો આવી ૨૮ શીશીમાં કેટલું તેલ સમાય?

સાજણભાઈએ સવારે બસમાં ૩૦ લિટર ૫૦૦ મિલિ ડિઝલ પૂરાવ્યું અને સાંજે ૧૫ લિટર ૨૫૦ મિલિ ડિઝલ પૂરાવ્યું તો તેમણે દિવસ દરમિયાન કેટલા લિટર ડિઝલ પૂરાવ્યું ? (અહીં બંને ગુંજાશનો સરવાળો કરવો પડે.)