રાજેશભાઈને ચાની દુકાન છે. તે આખા દિવસમાં ૪૩૦ ટોકન ભેગા કરે છે, તો તે કેટલી ચા વેચે છે? (૧ ટોકનની કિંમત ૧૦ રૂપિયા છે.)

વિજયભાઈ સવારે ૫ લિટર ૪૫૦ મિલિ દૂધ લે છે અને સાંજે ૮ લિટર ૫૦૦ મિલિ દૂધ લે છે, તો વિજયભાઈ આખા દિવસનું કેટલું દૂધ લે?

ગોબરભાઈ ઘરવપરાશ માટે ૧૫ લિટર તેલનો ડબ્બો લાવ્યા. સપ્તાહ પછી ૭ લિટર ૨૫૦ મિલિ તેલ બાકી રહ્યું તો એક સપ્તાહમાં કેટલા લિટર તેલ વપરાયું ?(અહીં ગુંજાશની બાદબાકી કરવી પડે.)

હિતેશભાઈને સોડાની દુકાન છે. ૧ ગ્લાસ સોડા બનાવવા માટે ૧૫૦ મિલિ પાણી જોઈએ તો ૮૦ ગ્લાસ બનાવવા માટે હિતેશભાઈને કેટલું પાણી જોઈશે?

અમિષાએ ૧ લિટર પાણીની બોટલમાંથી ૨૫૦ મિલિ પાણી પીધું અને તેના મિત્રએ ૧૫૦ મિલિ પાણી પીધુ, તો હવે બોટલમાં કેટલું પાણી બાકી રહ્યું હશે?

૫૦૦ મિલિ શરબતની બોટલમાં પ મિત્રો સરખે ભાગે શરબત લે છે. દરેકને કેટલું શરબત મળે ? (અહીં ગુંજાશનો ભાગાકાર કરવો પડે.)

ધારાની દાદી બીમાર હતી, ડોક્ટરે ૨૦૦ મિલિની દેવાની શીશી આપી અને દસ દિવસ સુધી દરરોજ સવારે એકસરખા માપની દવા લેવાનું કહ્યું, તો ધારાની દાદીએ દરરોજ સવારે કેટલા મિલિ દવા લીધી હશે?

દયાના ઘરમાં ૫ વ્યક્તિ છે. દરેક વ્યક્તિ સવારે ૨૦૦ મિલિ દૂધ પીએ છે તો તેમને કુલ કેટલું દૂધ જોઈએ ? (અહીં ગુંજાશનો ગુણાકાર કરવો પડે.)

યુસુફ ચાની દુકાન ચલાવે છે. તે ૧ ગ્લાસ(કપ) ચા બનાવવા ૨૦ મિલિ દૂધ વાપરે છે. ગઈકાલે તેણે ૧૦૦ ગ્લાસ(કપ) ચા બનાવી, તો તેણે કેટલું દૂધ વાપર્યું હશે ?

શામુ પાસે ૨૫૦ મિલિની એક બોટલ છે. તેમાં તેને ૧ લિટરની બોટલ ભરવી હોય તો કેટલી નાની બોટલ ભરીને મોટી બોટલમાં નાખવી પડે ?