અજબગજબનો મેળો — GUJARATI STD 6 — Question

            ગોળ-ગધેડાનો મેળો દાહોદ જિલ્લાના ગરબાડા તાલુકાના જેસાવડા ગામે ભરાતો વિશિષ્ટ અને લોકપ્રિય લોકમેળો છે.
           હોળી પછીના પાંચમા, સાતમા કે બારમા દિવસે જાહેર મેદાનમાં આ મેળો ભરાય છે. મેળામાં આજુબાજુનાં ગામડામાંથી હજારો સ્ત્રી-પુરુષો ઢોલ વગાડતાં વગાડતાં અને આનંદથી નાચતાં- ગાતાં આવે છે. મેળાના દિવસે મેદાનની વચ્ચોવચ લાકડાનો થાંભલો રોપી તેની ટોચ પર ગોળની પોટલી લટકાવવામાં આવે છે. પાંભલાની આજુબાજુ કુંવારી કન્યાઓ વાંસની પટ્ટીઓ લઈને ગીતો ગાતી ગોળાકારમાં નૃત્ય કરે છે. કન્યાઓની વચમાં થઈને થાંભલે ચડતા યુવાનને યુવતીઓ સોટીના મારથી અટકાવવા મથે છે. સોટીઓનો માર ખાઈને પણ કોઈ જુવાન ગોળની પોટલી પ્રાપ્ત કરી લે તો એ પોતાની મનપસંદ યુવતીને પરણી શકતો.
         આમ પોટલીમાંનો ગોળ લેવા માટે ગધેડા જેવો માર ખાવો પડતો હોવાથી આ મેળાનું નામ 'ગોળ-ગધેડાનો મેળો' પડયું છે.