ઠંડા પીણાની બોટલમાં ૩૦૦ મિલિ સોડા સમાય છે. આવી ૯ બોટલમાં કુલ કેટલી સોડા સમાઈ શકે? (અહીં ગુંજાશનો ગુણાકાર કરવો પડે.)

દયાના ઘરમાં ૫ વ્યક્તિ છે. દરેક વ્યક્તિ સવારે ૨૦૦ મિલિ દૂધ પીએ છે તો તેમને કુલ કેટલું દૂધ જોઈએ ? (અહીં ગુંજાશનો ગુણાકાર કરવો પડે.)

એક કાચના પ્યાલામાં ૨૫૦ મિલિ દૂધ સમાય તો આવા ૭ ગ્લાસમાં કેટલું દૂધ સમાય? (અહીં ગુંજાશનો ગુણાકાર કરવો પડે.)

મયંક દરરોજ ડેરીથી ૬ ટોકન ખરીદે છે. જો એક ટોકન અડધો લિટર દૂધ માટે વપરાય, તો મયંક દરરોજ કેટલું દૂધ ખરીદે છે? 

૧ લિટર ઠંડાપીણાની બૉટલ ૫ મિત્રો સરખા ભાગે પીએ છે. તો દરેકે કેટલા મિલિ સોડા પીધી હશે ?

દવાની એક બોટલમાં ૪૫ મિલિ દવા છે. દરરોજ ૫ મિલિ દવા પીવામાં આવે તો બોટલની દવા કેટલા દિવસ ચાલે ? (અહી ગુંજાશનો ભાગાકાર કરવો પડે.)

અમીનાની પાણીની બોટલમાં ૧ લિટર પાણી સમાઈ શકે છે. તેણે ૨૫૦ મિલિ અને તેના મિત્ર ગોવિંદે ૧૫૦ મિલિ પાણી પીધું. હવે તેની બોટલમાં કેટલું પાણી બાકી રહ્યું હશે ?

માધવભાઈ ગાયનું દૂધ ૪ લિટર ૫૦૦ મિલિ અને ભેંસનું દૂધ ૬ લિટર ૨૫૦ મિલિ વેચે છે. તો કુલ કેટલું દૂધ તેમણે વેચ્યું ?

અંકિત દરરોજ ડેરીથી ૯ ટોકન ખરીદે છે, જો એક ટોકન અડધો લિટર દૂધ માટે વપરાય, તો અંકિત દરરોજ કેટલું દૂધ ખરીદે છે?

સોહિલભાઈ કેરોસીનના વેપારી છે. સવારે તેઓ ૪૫ લિટર ૫૦૦ મિલિ કેરોસીન લઈને નીકળે છે. સાંજ સુધીમાં ૧૮ લિટર ૨૫૦ મિલિ કેરોસીન વધે છે. તો તેમણે કેટલું કેરોસીન વેચ્યું હશે ? (અહીં બંને ગુંજાશની બાદબાકી કરવી પડે.)