રાધાબેન ૧૫ લિટર તેલનો ડબ્બો લાવે છે. અઠવાડિયાં બાદ ૪ લિટર ૨૫૦ મિલિ તેલ વપરાય છે. તો ડબ્બામાં કેટલું તેલ બાકી રહ્યું હશે ? (અહીં બંને ગુંજાશની બાદબાકી કરવી પડે.)

અમિષાએ ૧ લિટર પાણીની બોટલમાંથી ૨૫૦ મિલિ પાણી પીધું અને તેના મિત્રએ ૧૫૦ મિલિ પાણી પીધુ, તો હવે બોટલમાં કેટલું પાણી બાકી રહ્યું હશે?

એક દીપમાળામાં કુલ ૩૦ દીવા છે. દરેક દીવામાં ૫ મિલિ તેલ પૂરવામાં આવે તો કુલ કેટલું તેલ જોઈએ ? (અહીં ગુંજાશનો ગુણાકાર કરવો પડે.)

શામુ પાસે ૨૫૦ મિલિની એક બોટલ છે. તેમાં તેને ૧ લિટરની બોટલ ભરવી હોય તો કેટલી નાની બોટલ ભરીને મોટી બોટલમાં નાખવી પડે ?

રાધાના દાદીમાં બીમાર હતા. ડોકટરે તેમને ૨૦૦ મિલિ દવાની બોટલ આપી. તેમણે ૧૦ દિવસ સુધી દરરોજ સવારે દવા લેવાની છે, તો દરરોજ સવારે તેમણે કેટલા મિલિ દવા લેવી જોઈએ ?

યુસુફ ચાની દુકાન ચલાવે છે. તે ૧ ગ્લાસ(કપ) ચા બનાવવા ૨૦ મિલિ દૂધ વાપરે છે. ગઈકાલે તેણે ૧૦૦ ગ્લાસ(કપ) ચા બનાવી, તો તેણે કેટલું દૂધ વાપર્યું હશે ?

પાર્વતી પાસે ૧ લિટર પાણીની બોટલ છે. તેમાંથી તે ૨૫૦ મિલિ પાણી પીવે છે. આ બોટલમાંથી ગણેશ ૧૫૦ મિલિ પાણી પીવે છે. હવે બોટલમાં કેટલું પાણી રહ્યું હશે? (અહીં બંને ગુંજાશનો સરવાળો કરવો પડે.)

સાજણભાઈએ સવારે બસમાં ૩૦ લિટર ૫૦૦ મિલિ ડિઝલ પૂરાવ્યું અને સાંજે ૧૫ લિટર ૨૫૦ મિલિ ડિઝલ પૂરાવ્યું તો તેમણે દિવસ દરમિયાન કેટલા લિટર ડિઝલ પૂરાવ્યું ? (અહીં બંને ગુંજાશનો સરવાળો કરવો પડે.)

જાસ્મીને ૩ લિટર દૂધ માંથી ૧ લિટર દૂધની ચા બનાવી અને ૧ લિટર ર૦૦ મિલિનો દૂધ પાક બનાવ્યો. તો જાસ્મીન પાસે કેટલુ દૂધ વધ્યું હશે?

ઠંડાંપીણાંની ૨ લિટર ૨૫૦ મિલિ બોટલમાંથી ચાર મિત્રોએ ૩૫૦ મિલિ ઠંડુંપીણું પીધું તો બોટલમાં કેટલું ઠંડુંપીણું બાકી રહ્યું ?