જિજ્ઞેસભાઈને ૫ દિવસમાં ૩૫૦ લિટર પેટ્રોલ જોઈએ, તો તેને એક દિવસમાં કેટલા લિટર પેટ્રોલ જોઈએ?

દયાના ઘરમાં ૫ વ્યક્તિ છે. દરેક વ્યક્તિ સવારે ૨૦૦ મિલિ દૂધ પીએ છે તો તેમને કુલ કેટલું દૂધ જોઈએ ? (અહીં ગુંજાશનો ગુણાકાર કરવો પડે.)

વિજયભાઈ સવારે ૫ લિટર ૪૫૦ મિલિ દૂધ લે છે અને સાંજે ૮ લિટર ૫૦૦ મિલિ દૂધ લે છે, તો વિજયભાઈ આખા દિવસનું કેટલું દૂધ લે?

માધવભાઈ ગાયનું દૂધ ૪ લિટર ૫૦૦ મિલિ અને ભેંસનું દૂધ ૬ લિટર ૨૫૦ મિલિ વેચે છે. તો કુલ કેટલું દૂધ તેમણે વેચ્યું ?

રાધાના દાદીમાં બીમાર હતા. ડોકટરે તેમને ૨૦૦ મિલિ દવાની બોટલ આપી. તેમણે ૧૦ દિવસ સુધી દરરોજ સવારે દવા લેવાની છે, તો દરરોજ સવારે તેમણે કેટલા મિલિ દવા લેવી જોઈએ ?

માનસીએ સ્કૂટરમાં ૫ લિટર ૫૦૦ મિલિ પેટ્રોલ પૂરાવ્યું. સ્કૂટરની ટાંકીમાં ૩ લિટર ૨૫૦ મિલિ પેટ્રોલ હતું તો સ્કૂટરની ટાંકીમાં પેટ્રોલનો કેટલો જથ્થો થયો ? (અહીં બંને ગુંજાશનો સરવાળો કરવો પડે.)

અમીનાની પાણીની બોટલમાં ૧ લિટર પાણી સમાઈ શકે છે. તેણે ૨૫૦ મિલિ અને તેના મિત્ર ગોવિંદે ૧૫૦ મિલિ પાણી પીધું. હવે તેની બોટલમાં કેટલું પાણી બાકી રહ્યું હશે ?

૫૦૦ મિલિ શરબતની બોટલમાં પ મિત્રો સરખે ભાગે શરબત લે છે. દરેકને કેટલું શરબત મળે ? (અહીં ગુંજાશનો ભાગાકાર કરવો પડે.)

પાણીના એક પાઉચમાં ૧૪૫ મિલિ પાણી સમાય તો આવા ૯ પાઉચમાં કેટલું પાણી સમાઈ શકે ? (અહીં ગુંજાશનો ગુણાકાર કરવો પડે.)

ઠંડાંપીણાંની ૨ લિટર ૨૫૦ મિલિ બોટલમાંથી ચાર મિત્રોએ ૩૫૦ મિલિ ઠંડુંપીણું પીધું તો બોટલમાં કેટલું ઠંડુંપીણું બાકી રહ્યું ?