શરીફાની માતાએ તેને કેટલીક વસ્તુઓ ખરીદવા માટે બજારમાં મોકલી. તેણે તેને ₹ ૨૪૫ આપ્યા. શરીફાએ ₹ ૧૨૭ માં ૧ કિગ્રા કપડાં ધોવાનો પાઉડર ખરીધો. દુકાનદારે તેને ₹ ૯૮ પરત કર્યા. દુકાનદારે તેને બરાબર રૂપિયા પાછા આપ્યા ?

વાર્તાની એક ચોપડીમાં ૯૦ પાનાં છે. તેમાંથી કોમલે ૫૨ પાનાં વાંચી લીધા, તો હવે તેને કેટલા પાનાં વાંચવાના બાકી રહ્યાં?

બાળ કાચબાની ઉંમર ૩૩ વર્ષ છે. તેની માતા (કાચબી) ની ઉંમર ૧૫૦ વર્ષ છે. માતા (કાચબી) કરતાં બાળ કાચબો કેટલો નાનો છે ?

જાનવી પાસે ૪૯૭ કેરી હતી. તેમાંથી તેણે અંજલિને ૨૦૯ કેરી આપી. તો જાનવી પાસે કેટલી કેરી વધી?

એક શાળામાં ૪૦૯ વિદ્યાર્થીઓ હતા. તેમાંથી સાતમું ધોરણ પાસ કરીને ૯૬ વિદ્યાર્થીઓ બીજી શાળામાં ગયા, તો આ શાળામાં કેટલા વિદ્યાર્થીઓ બાકી રહ્યા ?

એક ગામમાં ૯૦૦ માણસોની વસ્તી છે. લગ્નપ્રસંગે ૩૫૯ માણસો બાજુના ગામમાં ગયા. હવે ગામમાં કેટલા માણસો બાકી રહ્યા હશે? 

એક ટોપલામાં ૭૦૩ ગુલાબનાં ફૂલ હતાં. તેમાંથી ૬૪૫ ગુલાબનાં ફૂલ હાર બનાવવામાં વપરાઈ ગયાં. હવે ટોપલામાં કેટલાં ગુલાબનાં ફૂલ હશે ?