ગોપિકાએ તેના ઘરના ગેસ બિલનું મીટર વાંચ્યુ. ગયા મહિને ૧૧૬ યુનિટ હતા. આ મહિને ૩૪૫ યુનિટ થયા છે. તો આ મહિનામાં ગેસ બિલના કેટલા યુનિટ વપરાયા?

નમન ૮૦૦ રૂપિયા લઈને શહેરમાં ગયો. ત્યાં તેણે ૬૦૦ રૂપિયાનું જીન્સનું પેન્ટ ખરીદું. આ પછી તેની પાસે હવે કેટલા રૂપિયા બાકી રહ્યાં? 

એક ટોપલામાં ૭૦૩ ગુલાબનાં ફૂલ હતાં. તેમાંથી ૬૪૫ ગુલાબનાં ફૂલ હાર બનાવવામાં વપરાઈ ગયાં. હવે ટોપલામાં કેટલાં ગુલાબનાં ફૂલ હશે ?

મોહનભાઈ ૯૦૦ રૂપિયા લઈને બજારમાં ગયા. તેમણે ૩૪૫ રૂપિયાનો શર્ટ અને ૧૩૦ રૂપિયાનો બેલ્ટ ખરીદ્યો. હવે તેમની પાસે કેટલા રૂપિયા વધ્યા હશે ?

શાળા-પુસ્તકાલયમાં ૫૪૭ પુસ્તકો હતાં. વૅકેશન પડતાં તેમાંથી ૨૧૯ પુસ્તકો વિદ્યાર્થીઓ વાંચવા લઈ ગયાં, તો વૅકેશન દરમિયાન પુસ્તકાલયમાં કેટલાં પુસ્તકો બાકી રહ્યાં ?

પ્રિયાએ તેના ઘરનું વીજળીનું મીટર વાંચ્યું. ગયા મહિને ૧૧૯ યુનિટ હતા. આ મહિને ૨૯૪ યુનિટ થયા છે, તો એક મહિનામાં વીજળીના કેટલા યુનિટ વપરાયા ?

એક બોક્સમાં ૯૭૦ ચોકલેટ હતી. તેમાંથી ૪૫૮ ચોકલેટ બાળકોને વહેંચી દીધી. તો હવે બોક્સમાં કેટલી ચોકલેટ બાકી રહી હશે ?

ધ્યેય પાસે ૬૮૩ રૂપિયા હતા. તેમાંથી તેણે ૫૯૦ રૂપિયાની કરિયાણાની દુકાનમાંથી વસ્તુ લીધી. તો તેની પાસે કેટલા રૂપિયા વધ્યા હશે?