એક કાચના પ્યાલામાં ૨૫૦ મિલિ દૂધ સમાય તો આવા ૭ ગ્લાસમાં કેટલું દૂધ સમાય? (અહીં ગુંજાશનો ગુણાકાર કરવો પડે.)

માનસીએ સ્કૂટરમાં ૫ લિટર ૫૦૦ મિલિ પેટ્રોલ પૂરાવ્યું. સ્કૂટરની ટાંકીમાં ૩ લિટર ૨૫૦ મિલિ પેટ્રોલ હતું તો સ્કૂટરની ટાંકીમાં પેટ્રોલનો કેટલો જથ્થો થયો ? (અહીં બંને ગુંજાશનો સરવાળો કરવો પડે.)

એક દીપમાળામાં કુલ ૩૦ દીવા છે. દરેક દીવામાં ૫ મિલિ તેલ પૂરવામાં આવે તો કુલ કેટલું તેલ જોઈએ ? (અહીં ગુંજાશનો ગુણાકાર કરવો પડે.)

સોહિલભાઈ કેરોસીનના વેપારી છે. સવારે તેઓ ૪૫ લિટર ૫૦૦ મિલિ કેરોસીન લઈને નીકળે છે. સાંજ સુધીમાં ૧૮ લિટર ૨૫૦ મિલિ કેરોસીન વધે છે. તો તેમણે કેટલું કેરોસીન વેચ્યું હશે ? (અહીં બંને ગુંજાશની બાદબાકી કરવી પડે.)

જિજ્ઞેસભાઈને ૫ દિવસમાં ૩૫૦ લિટર પેટ્રોલ જોઈએ, તો તેને એક દિવસમાં કેટલા લિટર પેટ્રોલ જોઈએ?

ગોબરભાઈ ઘરવપરાશ માટે ૧૫ લિટર તેલનો ડબ્બો લાવ્યા. સપ્તાહ પછી ૭ લિટર ૨૫૦ મિલિ તેલ બાકી રહ્યું તો એક સપ્તાહમાં કેટલા લિટર તેલ વપરાયું ?(અહીં ગુંજાશની બાદબાકી કરવી પડે.)

વિજયભાઈ સવારે ૫ લિટર ૪૫૦ મિલિ દૂધ લે છે અને સાંજે ૮ લિટર ૫૦૦ મિલિ દૂધ લે છે, તો વિજયભાઈ આખા દિવસનું કેટલું દૂધ લે?

માધવભાઈ ગાયનું દૂધ ૪ લિટર ૫૦૦ મિલિ અને ભેંસનું દૂધ ૬ લિટર ૨૫૦ મિલિ વેચે છે. તો કુલ કેટલું દૂધ તેમણે વેચ્યું ?

એક તેલની નાની શીશીમાં ૨૦૦ મિલિ તેલ સમાય, તો આવી ૨૮ શીશીમાં કેટલું તેલ સમાય?